Na peko ti so David afâ Goliath, Gbia Saül azia lo na ndö ti aturugu ti lo. David asö benda na yâ ti abira mingi so lo sara na iri ti lo awu mingi. Lakue tongana David akiri na bira, awali ayeke sigi, ala yeke dodo nga ala yeke he bia na iri ti lo, ala tene: ‘Saül afâ azo saki oko, na David afâ ti lo azo saki bale-oko.’ Bê ti Saül ason na lo yeke gi lege ti fâ David.

David ahinga ti pika harpe nzoni mingi. Mbeni lâ na ngoi so David ayeke pika harpe ndali ti Saül, gbia ni abi likongo ti tene akpo lo. David akuku hio na likongo ni ague akpo mur. Na pekoni, lege mingi Saül agi ti fâ David. Me David akpe na lo honde terê ti lo na yâ ti benyama.

Saül amû aturugu ti lo 3 000 na ala gue ti gi peko ti David. Ala gue alï na yâ ti dû ti  tênë so David na azo ti lo ahonde terê ti ala dä. Azo ti David atene: ‘So pasa ti tene e fâ Saül la.’ David ahara yeke ague afâ yanga ti kota bongo ti Saül. Saül ahinga ye oko dä ape. Na pekoni, bê ti David agi lo mingi ndali ti so lo ne pëpe zo so Nzapa la asoro lo tongana gbia. Lo zia lege pëpe na azo ti lo ti sara sioni na Saül. Lo iri même Saül lo tene na lo so ni ke ti fâ lo fade, atâa so ni wara lege ti sara ni. Saül azia lege ti David?

Ên-ën. Saül angbâ lakue ti gi peko ti David. Na mbeni bï, David na Abishaï so ayeke molenge ti ita ti lo ague yeke alï na yâ ti camp ti Saül. Même Abner, turugu so ayeke bâ ndo na ndö ti Saül kue angbâ ti lango. Abishaï atene: ‘So chance ti e la. Zia mbi fâ lo.’ David atene na lo: ‘Jéhovah ayeke na Saül. Zia e mû gï likongo nga na ngängä ti ngu ti lo na e gue.’

David amonté na ndö ti hoto so ayeke nduru na camp so Saül ayeke dä. Lo dekongo na lo tene: ‘Abner, ngbanga ti nyen mo bata gbia ti mo ape? Ngängä ti ngu nga na likongo ti lo ayeke na ndo wa?’ Saül ahinga go ti David na lo tene: ‘Mo doit ti fâ mbi, me mo sara ni ape. Mbi hinga so mo yeke ga ande gbia ti Israël.’ Saül akiri na da ti lo ti gbia. Me a yeke azo kue ti yâ ti fami ti Saül la ake David ape.