Naatʼáanii Saul biyeʼ alą́ąjįʼígíí Jánathan, éí siláo nilı̨́. David éí Jánathan atsá biláahgo nidilnaʼ, áádóó náshdóítsoh bitsiijįʼ daditłʼooígíí yilááh ábóodziil, ní. Jánathan éí Filístiya bisiláo 20 yiltʼéego yílkʼidgi jiiłtsą́. Áko bee naʼabaahí há neijaahígíí ábijiní: ‘Jiihóvah éí Filístiya dineʼé hágo danihidííniidgo tʼéiyá bikʼiidoohjah, hałní.ʼ Áko Filístiya dineʼé: ‘Hágo!’ dahodííniidgo bichʼįʼ hajizhʼáazhgo nijistseed.

Jánathan éí Saul biyeʼ álą́ąjįʼígíí jílı̨́, áko Saul bikéédóó naatʼáanii jidooleeł ńtʼééʼ. Jánathan éí David Ízrel binaatʼáanii dooleełgi hoł bééhózin. Ndi David doo joołchʼı̨́ı̨́dgóó áhánígo bił ałkʼis jizlı̨́ı̨́ʼ. Ałkʼi jidéezʼı̨́įʼ doogo bee ahazhdeetʼą́. Bee bééhózin doogo Jánathan éí bicoat, bisword, bibow dóó bibelt David yeinínil.

 David éí Saul yitsʼąąjįʼ noochéełgo, Jánathan haa níyáago ání: ‘Tʼáadoo náhinílyésí, nidziilgo áʼdíínílzin. Jiihóvah éí Ízrel dineʼé binaatʼáanii dííleełgo nándiiłtı̨́.Díí éí shizhéʼé bił bééhózin.’ Jánathan nahalinígíísh łaʼ shikʼis doołeeł nínízin?

Jánathan bidiʼyoolyéeł ndi bikʼis David yíká análwoʼ. Naatʼáanii Saul éí David yidiyoołhééł yóʼníigo hoł bééhózin, áko ábizhdííniid: ‘David síníłhı̨́įgo éí adíísih, doo haitʼéegoda asiih da.ʼ Saul éí Jánathan yichʼįʼ báhóóchįįd. Tʼahádóó Saul dóó Jánathan daʼahijigą́ągi nahoʼdiztseed.

David éí Jánathan ádin bikéédóó biyeʼ Miifíbosheth házhnéeztą́ą́ʼ. Bikʼízhníyáago ábijiní: ‘Nizhéʼé shikʼis nilı̨́ı̨́ ńtʼééʼ, áko neʼiinaʼ ninítʼiʼjįʼ shighangi kééhótʼı̨́įgo naa áháshyą́ągo, shił náʼídı̨́įh doo.ʼ Hakʼis Jánathan tʼáadoo baa jiyooznah da.