Sálaman naatʼáanii jizlı̨́įʼgo, Jiihóvah nahódééłkid: ‘Haʼátʼíhída nínízinígíí naa dideeshʼááł.’ Sálaman ájíní: ‘Tʼahdii ashkii nishłı̨́. Tʼááshǫǫdí, hódzą́ shaa diníʼaahgo nidineʼé baa áháshyą́ą doo.’ Jiihóvah ání: ‘Hódzą́ shííníkeedígíí biniinaa, aláahgo diné hóyáanii dííleeł. Atʼı̨́ ałdóʼ naa dideeshʼááł. Índa shikʼeh honíłʼı̨́įgo, nízaadgóó hinínáa doo.’

Sálaman temple ájíléehgo baa nízhdiidzá. Óola, béésh łigaii, tsin nitłʼizii, dóó tsé chojoosʼįįd. Thousands diné dóó sáanii naanish dayiichįįhígíí temple yindaashnish. Tsostsʼid nááhaigo díí temple Jiihóvah baa didootʼááł baa hoolzhiizh. Nááhidoonihígíí altar bikááʼ sinil. Sálaman altar bidááhdóó nitsizdinígoʼgo, sodoolzingo ájíní: ‘Jiihóvah, ayóó ánítʼéhígíí díí temple doo bíighah da. Tʼááshǫǫdí, nízhiʼ dadííníilzingi dóó nihisodizin nihá yíísíníłtsʼą́ą́ʼ.’ Áko Jiihóvah éí temple dóó Sálaman bisodizin haitʼéego yaa tsídeezkeez? Sálaman ałtso sodoolzingo, yáʼąąshdę́ę́ʼ kǫʼ éí nááhidoonihígíí ałtso iidíłkʼą́ą́ʼ. Áko Jiihóvah bił yáʼíítʼééh lá. Ízrel dineʼé deiyiiłtsą́ągo bił dahóózhǫǫd.

Ízrelgi dóó nidahoneesʼą́ą́góó Naatʼáanii Sálaman bibee hódzáanii bee bééhoʼdílzin. Sálaman éí diné tʼáá altso bíká aníjílwoʼ. Queen of Sheba ałdóʼ naʼídíkid nantłʼaígíí yee nahódínóotah biniyé haa níyá. Áádóó queen ání: ‘Shił hóoneʼígíí doo wooshdlą́ą da, ndi naa haneʼígíí biláahdi ayóó átʼéego honíyą́ą́ lágo baa ákoniizı̨́ı̨́ʼ. NiDiyin Jiihóvah nikʼijisdliʼ.’ Ízrel dineʼé bił dahodéezyéelgo bił dahózhǫ́. Ndi, kʼadę́ę łahgo áhánééh.