Sálaman éí Jiihóvah bikʼeh hojíłʼı̨́įgo, Ízrel dineʼé bił dahodéezyéél ńtʼééʼ. Kéyah náánáłahdę́ę́ʼ sáanii bá ajizyehígíí éí edaʼalyaii yichʼįʼ nidahałá, áko sáanii bikééʼgóó ájiidzaaígíí biniinaa Jiihóvah yitsʼá dahazlóóz. Jiihóvah éí yikʼee báhóóchįįd. Sálaman ííłní: ‘Ízrel bikʼi hooʼááł yę́ę nighahideeshxą́ą́ł, éí naakigo ałʼąą hootʼáał dooleeł. Nitsaago hootʼáłígíí ná naalʼaʼí łaʼ baa dideeshʼááł, ndi ni éí áłtsʼíísígíí naa dideeshʼááł.’

Sálaman bá naalʼaʼí Jerobówam atiingóó yigáałgo, halneʼii Aháíjah bidááh níyá. Ńtʼééʼ Aháíjah biʼééʼ 12go ałtsʼáyinízǫ́ǫ́z, áádóó Jerobówam áyidííniid: ‘Sálaman hooʼáłígíí Jiihóvah bighaididooʼááł áádóó naakigo ałʼąą hootʼáał doo. Neheesdǫ́ǫ́zígíí 10go nídiinííł, háálá 10 tribes binaatʼáanii dííleeł.ʼ Naatʼáanii Sálaman yaa hodiiztsʼą́ąʼgo Jerobówam diiyeeshxééł niizı̨́ı̨́ʼ. Éí biniinaa, Jerobówam Ííjipgóó yóóʼazhnííchą́ą́ʼ. Tʼahádóó Sálaman daaztsą́ągo biyeʼ Riihobówam naatʼáanii silı̨́ı̨́ʼ. Áko Jerobówam éí doo náldzidgóó Ízrelgóó nídeeshdááł niizı̨́ı̨́ʼ.

Ízrelgi hastóí Riihobówam ádeidííniid: ‘Diné baa jiiníbaʼgo hazhóʼó nikééʼ nidookah.’ Ákondi Riihobówam  yił daneeyánígíí ádabiłní: ‘Diné tsʼídá yéigo ndaalnishgo ánílééh! Tʼáadoo baa jiiníbaʼí!’ Áko Riihobówam bikʼis ádabiłnínígíí yeʼiilaa. Diné atííłʼı̨́įgo yaa nídiidzá, áko bikʼijįʼ daazlı̨́ı̨́ʼ. Jerobówam éí 10 tribes binaatʼáanii ádayiilaa, éí kingdom of Ízrel woosyeʼ. Two tribesígíí éí kingdom of Júdah woosyeʼ, éí Riihobówam yichʼijí danilı̨́. Ízrelgi 12 tribes yę́ę ałtsʼáheezná.

Jerúsalem éí Riihobówam hooʼáałgi bił hazʼą́, áko Jerobówam éí bidineʼé Jerúsalemdi doo dahozhdísin da doo nízin. Haʼátʼíí biniinaa? Akǫ́ǫ́ ajiiskaigo éí shikʼijįʼ dazhdooleeł nízin, áádóó Riihobówam yikééʼ nidookaahígíí doo yinízin da. Áko diné áyidííniid: ‘Jerúsalemgóó ayóó ánízáád. Éí biniinaa, béégashii yázhí naaki óola bee nihá áshłaa. Tʼáá kǫ́ǫ́ bichʼįʼ nidahohłá.’ Éí yichʼįʼ nidahałáago, Jiihóvah yaa náádeiyooznah.