Ufalme wa Israeli wa makabila kumi ulitawaliwa na wafalme wengi wabaya. Ahabu alikuwa mumoja kati ya wafalme wabaya sana. Alioa mwanamuke muovu mwenye aliabudu Baali. Jina lake lilikuwa Yezebeli. Ahabu na Yezebeli walieneza ibada ya Baali mu inchi yote na waliua manabii wa Yehova. Yehova alifanya nini? Alituma nabii Eliya aambie Ahabu jambo fulani.

Eliya aliambia Mufalme Ahabu kama juu iko anafanya mambo ya mubaya, mvua haitanyesha katika Israeli. Kwa zaidi ya miaka tatu, chakula haikukomaa na watu waliteseka na njaa. Kisha, Yehova alituma tena Eliya kwa Ahabu. Ahabu alimuambia: ‘Wewe njo umetuletea taabu! Ni sababu yako njo maana tunateseka.’ Eliya akajibu: ‘Haiko mimi njo nilifanya mvua isinyeshe. Ni wewe njo uko na makosa juu uko unaabudu Baali. Tutafanya jambo fulani juu tuone kama nani njo Mungu wa kweli. Ambia watu wote na manabii wote wa Baali wakusanyike kwenye Mulima Karmeli.’

Watu wakakusanyika ku ule mulima. Eliya akasema: ‘Muchague. Kama Yehova njo Mungu wa kweli, mumufuate. Kama Baali njo Mungu wa kweli, basi mumufuate. Tufanye hivi: Manabii 450 wa Baali watayarishe toleo na waite mungu wao, na mimi nitatayarisha toleo na kumuita Yehova. Mwenye atajibu kwa kutuma moto njo Mungu wa kweli.’ Watu wakakubali.

Manabii wa Baali wakatayarisha toleo lao. Kuanzia asubui mupaka mangaribi walikuwa wanaita mungu wao: ‘Ee Baali, utujibie!’ Juu Baali hakuwajibia, Eliya alianza kumucheka. Alisema: ‘Mumuite na sauti yenu yote. Pengine alishalala, na inaomba mutu amuamushe.’ Manabii wa Baali waliendelea kumuita mupaka mangaribi. Lakini Baali hakuwajibia.

Eliya akatia toleo lake ku mazabahu na kulimwangia maji. Kisha akasali: ‘Ee Yehova, tafazali unijibie ili watu hawa wajue kama wewe njo Mungu wa kweli.’ Mara moja Yehova akashusha moto kutoka mbinguni na ikachoma  ile toleo. Watu wakasema hivi kwa sauti: ‘Yehova njo Mungu wa kweli!’ Kisha, Eliya akasema: ‘Musiache manabii wa Baali wakimbie!’ Ile siku, manabii 450 wa Baali waliuawa.

Wakati wingu la kidogo lilionekana juu ya bahari, Eliya akaambia Ahabu: ‘Mvua kubwa itanyesha. Panda katika gari yako, na uende kwako.’ Anga ikakuwa mweusi, kukakuwa giza, upepo, na mvua kubwa ikaanza kunyesha. Ku mwisho, ukame ukaisha. Ahabu akaendesha gari lake mbio sana. Lakini Yehova akasaidia Eliya. Eliya akakimbia mbio kupita lile gari! Lakini je, magumu yote ya Eliya ilikuwa imeisha? Tuone basi.