Yeˍsaˍreˍlaˆ venˇ lo hawˉ yehˬ yehˬ miˇ ehˉ htaꞈ nyi peu leh jawˇ mawˇ Aˍhaˆ Naˍboˆ ve a pehˉ meuˇ hko htaꞈ mawˬ ve yoˬ. Yawˇ a pehˉ meuˇ hko chi htaꞈ heuˆ gaˇ jaˇ leh Naˍboˆ geh vuiˬ gaˇ ve yoˬ. Yaꞈ hkʼaˇ, awˬ ti oˇ ve awˬ puˍ awˬ pi ve awˬ shinˉ awˬ ka hpehꞈ ve pa taw, Naˍboˆ maˇ hawˇ gaˇ. Hawˇ ve kʼo, Gʼuiˬ sha ve awˬ liˇ tawˇ hkawˇ htaꞈ yaꞈ ve yoˬ. Naˍboˆ Gʼuiˬ sha ve awˬ liˇ tawˇ hkawˇ awˬ hkʼaˇ suh gʼaꞈ te ve Aˍhaˆ nyi ma cawˇ˗aw laˇ? Nyi ma maˇ cawˇ. Hkʼe te leh, Aˍhaˆ nyi ma zuhˆ jaˇ. Yawˇ nyi ma luˬ jaˇ leh teꞈ chiˉ maˇ caˇ maˇ dawˬ zuhꞈ hpui hkʼoˆ lo chehˇ taˍ ve yoˬ.

Aˍhaˆ ve awˬ miˇ ma jawˇ mawˇ ma Yeˍsaˍbeˍlaˆ yawˇ htaꞈ kʼoˆ piˇ ve, ‘nawˬ Iˉsaˍreˍlaˆ ve jawˇ mawˇ hpehꞈ ve yoˬ. Nawˬ heuˆ gaˇ ve hkʼe heuˆ hpehꞈ ve maˇ heˆ laˇ? A pehˉ meuˇ hko oˇ ve nawˬ ve hpehꞈ tuˬ ngaˬ te laˇ tuˬ yoˬ.’ Oˇ ve hkʼawꞈ nawˉ, Yeˍsaˍbeˍlaˆ lehˬ Yeˍsaˍreˍlaˆ venˇ lo awˬ hoˉ awˬ naˬ hui htaꞈ liꞈ bvuhꞈ piˇ ve yoˬ. Yawˇ awˬ hoˉ awˬ naˬ htaꞈ kʼoˆ piˇ ve, Naˍboˆ Gʼuiˬ sha htaꞈ hkeu ve tehꞈ she pfuhˍ piˇ leh yawˇ htaꞈ haˉ pui baˬ pehˍ piˇ˗oˆ. Yeˍsaˍbeˍlaˆ kʼoˆ ve hkʼe, yawˇ hui gʼaꞈ te ve yoˬ. Oˇ ve hkʼawꞈ nawˉ, Yeˍsaˍbeˍlaˆ Aˍhaˆ htaꞈ kʼoˆ piˇ ve, ‘Naˍboˆ suh˗oˬ, a pehˉ meuˇ hko nawˬ ve hpehꞈ˗oˬ.’

Yeˍsaˍbeˍlaˆ Naˍboˆ teˇ gʼaˇ htaꞈ ceh tiˉ tiˇ pehˍ piˇ ve maˇ heˆ. Yawˇ lehˬ Yaˬhoˉvaˬ htaꞈ haꞈ ve chaw laiˉ gʼaˇ htaꞈ kaꞈ tiˇ pehˍ piˇ ve yoˬ. Yawˇ shaˉ hoꞈ htaꞈ oˉ kʼoˍ pui leh haiˬ ve awˬ ceuˬ laiˉ ceuˬ htaꞈ te ve yoˬ. Yeˍsaˍbeˍlaˆ te ve teˇ ceuˬ le le Yaˬhoˉvaˬ mawˬ ve yoˬ. Yaˬhoˉvaˬ yawˇ htaꞈ hkʼaˬ hkʼe te piˇ tuˬ le?

Aˍhaˆ suh peuˬ hkʼawꞈ nawˉ, yawˇ ve yaˇ paˍ Yeˍhawˇranˍ jawˇ mawˇ kʼawꞈ te ve yoˬ. Yeˍsaˍbeˍlaˆ leh yawˇ ve yehˬ kʼa htaꞈ ciˍ yanˍ tuˬ Yaˬhoˉvaˬ Yeˍhuˆ htaꞈ peu laˇ ve yoˬ.

Yeˍhuˆ iˉ mvuhˇ lawˬ ciˇ leh Yeˍsaˍbeˍlaˆ chehˇ taˍ ve Yeˍsaˍreˍlaˆ venˇ lo kʼai ve yoˬ. Jawˇmawˇ Yeˍhawˇranˍ iˉ mvuhˇ lawˬ ciˇ leh Yeˍhuˆ geh laˬ leh yawˇ htaꞈ na piˇ ve, ‘nawˬ laˬ ve daꞈ ve awˬ lawn cawˬ leh laˇ?’ Yeˍhuˆ kʼoˆ ve, ‘hkʼaˬ hkʼe te leh daꞈ ve awˬ lawn cawˬ gʼa ve le? Nawˬ e Yeˍsaˍbeˍlaˆ haiˬ ve  awˬ ceuˬ htaꞈ tiˉ te ve maˇ heˆ laˇ?’ Yeˍhawˇranˍ iˉ mvuhˇ lawˬ gʼaꞈ veu leh hpaw˗e chehˇ htaˇ, Yeˍhuˆ Yeˍhawˇranˍ htaꞈ hkaˆ bawˆ pehˍ piˇ ve yoˬ.

Peuˬ leh Yeˍhuˆ Yeˍsaˍbeˍlaˆ ve hawˉ yehˬ lo kʼai ve yoˬ. Yeˍhuˆ laˬ chehˇ ve awˬ hkawˇ htaꞈ Yeˍsaˍbeˍlaˆ gʼa kaˇ htaˇ, yawˇ awˬ hkiˇ shawˍ leh awˬ na teˇ htaiꞈ yehˬ miˇ ehˉ lo law taˍ ve yoˬ. Yeˍhuˆ gaˬ la htaˇ, Yeˍsaˍbeˍlaˆ yawˇ htaꞈ maˇ shawˍ maˇ caˆ kʼoˆ ve yoˬ. Yeˍhuˆ Yeˍsaˍbeˍlaˆ awˬ paˇ lo huˉ chehˇ ve awˬ ceˬ paˍ htaꞈ kuˬ leh kʼoˆ piˇ ve, “yaˇ miˇ ma chi htaꞈ caꞈ ce peu piˇ˗oˆ!” Yawˇ hui Yeˍsaˍbeˍlaˆ htaꞈ yehˬ miˇ ehˉ lo caꞈ ce piˇ ve yoˬ. Yawˇ ce la leh suh˗e ve yoˬ.

Oˇ ve hkʼawꞈ nawˉ, Yeˍhuˆ Aˍhaˆ ve yaˇ 70 gʼaˇ htaꞈ tiˇ pehˍ piˇ leh Baˍlaˆ gʼuiˬ sha htaꞈ oˉ kʼoˍ pui ve hkʼa peu˗eˬ htaꞈ kaꞈ te luˬ piˇ ve yoˬ. Awˬ lawn chi ngaˬ hui htaꞈ maˍ laˇ ve Yaˬhoˉvaˬ teˇ ceuˬ le le shiˍ leh awˬ yanˇ gaˬ ve kʼo, chaw haiˬ teˇ gʼaˇ le le htaꞈ yawˇ te luˬ piˇ tuˬ yoˬ.