Jézriyelgi, Naatʼáanii Éíhab éí tsésǫʼdę́ę́ʼ Néíbath bidáʼákʼeh jinéłʼı̨́. Díí dáʼákʼeh shííʼ dooleeł jiniizı̨́ı̨́ʼ, áko Néíbath naa nahashniih bizhdííniid. Jiihóvah éí kéyah hazhéʼé daabííʼ yę́ę doo haa nahidoonihgo yee hasʼą́ą da, áko Néíbath tʼáadoo hachʼįʼ nayiisniiʼ da. Néíbath bee hazʼáanii yikʼeh hóółʼįįdígíí daatsʼí Éíhab bił nilı̨́? Ndagaʼ. Éíhab báhóóchįįd áádóó bitséskʼeh siʼą́ą́ góneʼ doo ayą́ą́góó sitı̨́.

Éíhab beʼasdzą́ą́ doo yáʼáshóonii Queen Jézebel ábíłní: ‘Naatʼáanii nílı̨́. Tʼáá nínízinígíí nííʼ dooleeł. Díí kéyah ná shóideeshtʼeeł.’ Hastóí alą́ąjįʼ naazíinii naaltsoos yichʼįʼ áyiilaago ání, Néíbath éí God doo yáʼátʼééhgóó yá yáłtiʼ bee bikʼi hodootʼah áádóó bił nidazdoołniił, yidííniid. Jézebel ánínígíí yedaʼiilaa, áko Jézebel Éíhab ííłní: ‘Néíbath daaztsą́. Kʼad bidáʼákʼeh yę́ę nííʼ silı̨́ı̨́ʼ.’

Jézebel éí Néíbath yiyiisxı̨́, tʼáá ákótʼéego Jiihóvah deidísinii ląʼí neistseed. Edaʼalyaaii ałdóʼ yichʼįʼ nahałá áádóó doo yáʼáshǫ́ǫ́góó áátʼįįd. Baaʼihgo ájíítʼįįdígíí Jiihóvah tʼáá ałtso yooʼı̨́. Áko Jiihóvah haa hodoolííł?

Éíhab daaztsą́ągo biyeʼ Jiihóram naatʼáanii silı̨́ı̨́ʼ. Jiihóvah éí Jézebel dóó bighan hazʼą́ą́dóó neidoołtsił yiniyé Jííhu ayííłʼaʼ.

Jííhu éí Jézebel kééhatʼı̨́ı̨́góó chariot hoł yílwod. Jiihóram éí chariot yee Jííhu yidááh níyáago ání: ‘Kʼéésh biniyé ánítʼı̨́?’ Ndi Jííhu áháłní: ‘Nimá Jézebel doo yáʼátʼééhgóó áánííł, ákosh haitʼéego kʼé hólǫ́ǫ doo?’ Jiihóram chariot yee dah díníichą́ą́ʼ, ákondi Jííhu kʼaaʼ yee hwiisxı̨́.

 Jííhu éí Jézebel bipalacegóó jiníyá. Jííhu bichʼįʼ yigááł yaa hodiiztsʼą́ąʼgo nizhónígo hashtʼeʼ áʼdiilyaago wódah tsésǫ́ʼgi habaʼ sidá. Jííhu níyáago, Jézebel tʼáá naʼníleʼdii hachʼįʼ haadzííʼ. Jííhu éí Jézebel bá ndaalʼaʼí yichʼįʼ hadoolghaazhgo ííłní: “Bidah adahołhan!” Jézebel adah adajiisxango daaztsą́.

Díí bikʼijįʼ Jííhu éí Éíhab biyeʼké 70 yiltʼéego neistseed. Béíyal bichʼįʼ nahadlá yę́ę nahjįʼ kóyiilaa. Jiihóvah tʼáá ałtsoní yooʼı̨́. Baa hwiilzhíishgo, doo yáʼádaashóonii yá nihwiiʼaah. Díísh baa ákoninizı̨́ı̨́ʼ?