Júdah binaatʼáanii Jiiháshafat éí Béíyal bibikááʼ nááʼiiniihii índa edaʼalyaii ałtso íísdįįd. Bidineʼé éí Jiihóvah bibee hazʼáanii bił béédahózin doo, yóʼní. Princes dóó Líívai dineʼé nidahodínóotįįł biniyé hachʼįʼ ayiisʼaʼ.

Júdahgi Jiihóvah bidineʼé yaa áhályą́ągi bééhózin, áko hanaagóó kéédahatʼíinii hakʼiidoojah yéédaaldzid. Áko Jiiháshafat naalyéhé daʼílíinii yaa dayiizhjaaʼ. Móʼab dineʼé dóó Áman dineʼé dóó Síyer hazʼą́ą́dę́ę́ʼ Júdah yikʼiidoojah biniyé áłah silı̨́ı̨́ʼ. Jiiháshafat hoł bééhózin, Jiihóvah tʼéiyá háká adoolwołgo yíneelʼą́. Jerúsalemgi tʼáá ałtso diné áłah ájiilaago binááł sozdoolzin: ‘Jiihóvah, nihíká íínílwodgo tʼéiyá akʼeh dadidiidleeł. Tʼáá shǫǫdí, ádadiiʼníłígíí bee nihił hólneʼ.’

Jiihóvah áháłní: ‘Tʼáadoo nídaałdzidí. Nihíká adeeshwoł. Tʼóó nisoozı̨́įgo yisdánihideeshnił, éí deidoołtsééł.’ Haitʼéego Jiihóvah yisdáhóónil?

Biiskání abínígo Jiiháshafat éí dahataałii siláo bilą́ąjįʼ wohkah bizhdííniid. Tekówagi anaʼí bił daʼahizhdoogą́ą́ł biniyé Jerúsalemdę́ę́ʼ dashdiiná.

Hoł dahózhǫ́ǫgo índa ayóó íitsʼaʼgo Jiihóvah baa dahojiniihgo Jiihóvah há naazbaaʼ. Hweʼanaʼí tʼóó bił dahóóląąd, áko tʼáá bí ałkʼiijéeʼgo nidaʼahistseed. Jiihóvah éí bidineʼé, siláo índa náádaʼiiłniihii yichʼą́ą́h naagháá ńtʼééʼ. Júdah binaagóó kéédahatʼíinii Jiihóvah ádzaaígíí yaa dahodiiztsʼą́ą́ʼ, áko Jiihóvah bidineʼé tʼahdii yaa áhályą́ągo hoł béédahoozin. Jiihóvah éí bidineʼé haitʼéego yisdáyíínil? Jó, ląʼí ałʼąą átʼéego yisdáhóonil. Bílaʼashdlaʼii éí doo łaʼ Jiihóvah bíká azhdoolwoł da.