Mutoto mumoja mwanamuke Mwisraeli alikuwa anaishi Siria, mbali na kwao. Maaskari wa Siria njo walimukamataka na kuenda naye. Sasa alikuwa anatumikia bibi ya Naamani, mukubwa wa jeshi. Ule mutoto alikuwa anamuabudu Yehova, hata kama watu wenye aliishi nao hawakukuwa wanamuabudu Yehova.

Naamani alikuwa na ukoma (ugonjwa mubaya sana wa ngozi), na alikuwa anasikia maumivu saa yote. Ule mutoto mwanamuke alipenda sana kumusaidia. Aliambia bibi ya Naamani hivi: ‘Ninajua mutu mwenye anaweza kuponyesha bwana yako. Ni nabii wa Yehova. Jina lake Elisha na anaishi katika inchi ya Israeli.’

Bibi ya Naamani alielezea bwana yake mambo yenye ule mutoto alimuambia. Naamani alikuwa tayari kufanya kila kitu juu apone. Kwa hiyo alienda mu inchi ya Israeli juu aonane na Elisha. Aliwaza kama Elisha atamupokea sawa mutu wa maana sana. Lakini kuliko kuzungumuza naye uso kwa uso, Elisha alituma mutumishi wake  amupokee na amuambie hivi: ‘Uende unawe mara saba katika Muto Yordani. Kisha, utapona.’

Naamani alihuzunika sana. Alisema: ‘Niliwaza ule nabii ataniponyesha kwa kumuomba Mungu wake na kupitisha-pitisha mikono yake kwenye ngozi yangu. Lakini, ananiambia niende ninawe katika huu muto wa Israeli. Kule Siria kuko mito ya muzuri sana kupita ule muto wa Israeli. Juu ya nini nisiende kunawia kule?’ Naamani alikasirika sana, na akatoka ku nyumba ya Elisha.

Watumishi wa Naamani walizungumuza naye. Walimuambia: ‘Hauko tayari kufanya kila kitu ili upone? Mambo yenye nabii anasema ufanye haiko nguvu. Juu ya nini unakataa?’ Naamani aliwasikiliza. Akaenda ku Muto Yordani na kujitumbukiza ndani mara saba. Kisha kujitumbukiza mara ya saba, Naamani akatoka mu maji, na ukoma wake ulikuwa umeisha kabisa. Alifurahi sana, akarudia kwa Elisha juu amushukuru. Akaambia Elisha: ‘Sasa ninajua kama Yehova njo Mungu wa kweli.’ Unawaza ule mutoto mwanamuke Mwisraeli alijisikia namna gani wakati Naamani alirudia na alishapona?