Jéhovah asoro Jérémie ti ga prophète ti azo ti Juda. Lo tene na lo ti fa tënë na azo nga ti gboto mê ti ala ti zia ti sara aye ti sioni. Jérémie atene: ‘Me Jéhovah, mbi yeke gï maseka senge. Mbi hinga ti sara tënë na azo ape.’ Jéhovah atene na lo: ‘Sara mbeto ape. Mbi yeke tene ande na mo tënë so mo doit ti tene. Mbi yeke aidé mo.’

Jéhovah atene na Jérémie ti bungbi a-ancien ti mara ni, ti fâ yâ ti mbeni ta na devant ti ala na ti tene na ala, lo tene: ‘Yâ ti Jérusalem ayeke fâ ande tongaso.’ Na ngoi so Jérémie asara ye so Jéhovah atene so, ngonzo agbu a-ancien ni ngangu. Mbeni prêtre so iri ti lo ayeke Pashhur apika Jérémie na lo zia lo na yâ ti olombo. Na bï ni kue, Jérémie apeut ti bougé ape. Na ndade ni, Pashhur azia Jérémie asigi. Jérémie atene: ‘Mbi peut ti bâ pasi tongaso encore ape. Mbi yeke zia lege ti fango tënë.’ Me eskê vrai lo zia lege ni? Ên-ën. Tongana Jérémie agbu li ti lo na ndö ni encore kete, lo tene: ‘Tënë ti Jéhovah ayeke tongana wâ na yâ ti bê ti mbi. Mbi peut ti zia lege ti fango tënë ape.’ Jérémie angbâ lakue ti gboto mê ti azo ni.

Angu ahon, na mbeni fini gbia la akomande na Juda. Aprêtre nga na aprophète ti wataka aye tënë so Jérémie ayeke fa so kete ape. Ala tene na amokonzi ni, atene: ‘Koli so alingbi na kuâ.’ Jérémie atene: ‘Tongana ala fâ mbi, andâ ala fâ mbeni zo so tënë ayeke na li ti lo ape la. Tënë so Jéhovah atene la mbi yeke tene so, me ti mbi ape.’ Tongana amokonzi ni amä tënë so, ala tene: ‘Koli so alingbi na kuâ ape.’

Jérémie angbâ gï ti fa tënë, na ngonzo asara amokonzi ni ngangu. Ala hunda na gbia ti tene a fâ  Jérémie. Gbia ni atene na ala ti sara ye ti bê ti ala na Jérémie. Ala mû Jérémie ala bi lo na yâ ti mbeni dû so popoto ayeke dä mingi, ala pensé ti ala so lo yeke kui kâ. Jérémie akomanse ti lï na yâ ti popoto ni.

Ébed-Mélec, so ayeke mbeni kota zo na da ti gbia, atene na gbia, atene: ‘Amokonzi abi Jérémie na yâ ti mbeni dû! Tongana e zia si lo ngbâ kâ, lo yeke kui.’ Gbia ni amû yanga na Ébed-Mélec ti tene lo mû akoli 30 na terê ti lo na ti sigi na Jérémie na yâ ti dû ni. Eskê e yeke sara ande ye tongana Jérémie so azia lege na ye oko ape ti kanga lege na lo ti fa tënë?