Падшаһ Навуходоносор һејкәллә бағлы јуху ҝөрәндән бир нечә мүддәт сонра гызылдан нәһәнҝ бир һејкәл дүзәлтдирир. О, бу һејкәли Дурә чөлүнә гојдурур вә Сәдраһ, Мисаһ, Абиднағу кими өлкәнин сајылыб-сечилән адамларыны һејкәлин габағына јығыр. Падшаһ әмр верир: «Бору, лира вә тулугзурнасынын сәсини ешидәндә һејкәлә баш әјин! Ким баш әјмәсә, гызмар собаја атылаҹаг». Ҝөрәсән, бу үч ибрани ҝәнҹ һејкәлә баш әјәҹәк, јохса јалныз Јеһоваја ибадәт едәҹәкләр?

Сонра падшаһ мусигинин чалынмасыны әмр едир. Сәдраһ, Мисаһ вә Абиднағудан башга һамы баш әјиб һејкәлә сәҹдә едир. Буну ҝөрән бәзи адамлар падшаһа дејирләр: «Бу үч ибрани һејкәлә баш әјмир». Навуходоносор онларын јанына адам ҝөндәриб дејир: «Һејкәлә баш әјмәјиниз үчүн сизә бир дә фүрсәт верирәм. Әҝәр баш әјмәсәниз, сизи собаја атаҹағам. Һеч бир аллаһ сизи мәним әлимдән гуртара билмәјәҹәк». Онлар падшаһа ҹаваб верирләр: «Бизим әлавә фүрсәтә еһтијаҹымыз јохдур. Аллаһымыз бизи горујаҹаг. Һәтта горумаса да, еј падшаһ, биз бу һејкәлә баш әјмәјәҹәјик».

Навуходоносор чох гәзәбләнир. О, адамларына дејир: «Собаны һәмишәкиндән једди дәфә чох гыздырын». Сонра дөјүшчүләрә әмр верир: «Онларын әл-ајағыны бағлајыб собаја атын!» Соба о гәдәр исти олур ки, дөјүшчүләр собаја јахынлашан кими өлүрләр.  Үч ибрани исә собанын ичинә дүшүр. Анҹаг Навуходоносор собанын ичинә баханда ҝөрүр ки, собада үч нәфәр әвәзинә, дөрд нәфәр вар, үстәлик, онлар ҝәзирләр. О үркүр вә мәмурлардан сорушур: «Биз собаја үч адам атмамышдыг? Мән орада дөрд нәфәр ҝөрүрәм. Онлардан бири исә мәләјә охшајыр!»

Навуходоносор падшаһ собаја јахынлашыб онлары чағырыр: «Еј Аллаһ-Тааланын гуллары, чөлә чыхын!» Сәдраһ, Мисаһ вә Абиднағунун собада саламат ҝәздијини ҝөрән һәр кәс дәһшәтә ҝәлир. Онларын дәриләри, сачлары вә палтарлары јанмамышды, һәтта онлардан һеч һис ији дә ҝәлмирди.

Навуходоносор дејир: «Сәдраһ, Мисаһ вә Абиднағунун Аллаһына ешг олсун. О, өз мәләјини ҝөндәриб гулларыны горуду. Онун тајы-бәрабәри јохдур».

Бу үч ибрани кими, сән дә һеч нәјә бахмајараг, Јеһованын тәрәфини тутаҹагсан?