Еқвар и рят лэ царёсти лэ Навуходоносорости снисайля страшно суно. Во ақардя лэ манушэн, савэ лэсти подԥэнэн. Во камля, кай вонэ тэ росԥэнэн, со сыкавэл кадэва суно. Но лэндэ нисо на вижыля тэ росԥэнэн. Тоди о царё ԥэндя, кай тэ ақарэн лэ Даниилос.

О Навуходоносоро ԥэндя лэ Даниилости: «Манди снисайля витка. Вой барёлас и ашэля кацави бари, кай дорэсля о нэбо. Кадэя витка дицолас, кай бы о мануш тэ на авэл. Пэ кадэя витка сас шукарнэ листоря и пэр латэ сас бут плодоря. И дыки животни авэнас тэ отцыён интя, важ кода кай котэ на сас қам, чирикля терэнас пэсти цэрора пэ кадэя витка. Тоди па нэбо змэкляпэ о анӷело. Во зацыписайля: «Сшынэн и витка и отԥагэн латирэ кашта. Но ашавэн андэ ԥув о пенько, стон пэр лэстэ саструно и харкумуно бэльчуӷо, кай во будэр тэ на барёл. Лэско манушыкано ди парудёлапэ по ди, саво, сар кай и животни. После када прожала семь времён. И всаворэ мануша уӷанэна, кай о Дэл само баро правителё и во екжэно витидэл, касти тэ дэл, кай тэ правий».

О Иегова дя тэ полэл лэ Даниилости, со сыкавэл кадэва суно. О Даниило фартэ пэрэдарайля кодэлэстар, со уӷангля. Во ԥэндя: «Царё, кадэва суно пала тутэ. Но кода, со во сыкавэл, на камэса, кай када тэ авэл лэ вороӷостэ. И бари витка, сави сшындэ, када ту. Ту будэр на авэса царё, ай лэса тэ жувэс лэ дыконэ животнонэнца и, сар вонэ, лэса тэ хас и чар. Но кадя, сар о анӷело ԥэндя тэ на вишынэн о пенько, ту упалэ авэса царё».

Прожыля бэрш. Еқвар, кала о Навуходоносоро ԥирэлас па лэ цэрэстири крыша, во нащи чалёлас тэ диқэл по Вавилоно. Во ԥэндя: «Саво же лашо и шукарно форо мэ построисардэм! Кацаво, сар мэ нинай нико!» И акэ па нэбо ашундёл ӷолосо: «Навуходоносоро! Ту будэр най царё».

После кадэла алава о Навуходоносоро жыля па годятэ и ля тэ андярэл пэс, сар дыко животно. Лэс видарадэ анда лэско царско цэр и во ля тэ жувэл машкар дыки животни. Лэстэ одбарелэ лунги бал, сар и пор кай о орло. Лэстирэ вунди ашэлэ, сар кай и птица.

 Сар прожыля семь бэрш каринг о Навуходоносоро рисайля и годи, и о Иегова упалэ стердя лэс царёса андо Вавилоно. После када о Навуходоносоро ԥэндя: «Мэ ԥэнав «наис» лэ Иеговасти, саво царё по нэбо! Акана мэ ӷанав, кай о Иегова кодэва, ко правий. Во тэлярэл лэ манушэн, савэ заваздэн о шэро и дэл тэ правий кодэлэнди, касти камэл».