တၢ်မၤလိ ၆၅
နီၢ်ပၤမုၣ်အ့ၤစတၢ်မၤပူၤဖျဲး အပှၤကလုာ်
လၢအပူၤကွံာ်န့ၣ် စီၤပၤနဘူၤကးန့စၢ် ဖီၣ်န့ၢ်ဝဲနီၢ်အ့ၤစတၢ် အဟံၣ်ဖိဃီဖိလီၤ. လၢတၢ်န့ၣ်အဃိ နီၢ်အ့ၤစတၢ် မ့ၢ်ပှၤယူဒၤမုၣ်တဂၤဘၣ်ဆၣ် အဝဲအိၣ်ဘၣ်ဝဲလၢဝ့ၢ်ၡူၡၣ်လၢ ဖၢၡၢၣ်အတၢ်ပၢအပူၤန့ၣ်လီၤ. နီၢ်အ့ၤစတၢ်အတခွါ စီၤမၢ်ဒကဲၤန့ၣ် ကွၢ်ဒိၣ်ထီၣ်က့ၤအီၤလီၤ. ဒီးစီၤမၢ်ဒကဲၤန့ၣ် မ့ၢ်ဝဲစီၤပၤအဃၤၡဝ့ရိၣ် အခ့အပှၤတဂၤလၢ ဖၢၡၢၣ်အကီၢ်ပူၤလီၤ.
စီၤပၤအဃၤၡဝ့ရိၣ်န့ၣ် သးလီဝဲနီၢ်ပၤမုၣ်လၢအသီတဂၤလီၤ. စီၤပၤအခ့အပှၤတဖၣ် ကိးန့ၢ်အီၤကယဲၢ်ပိာ်မုၣ်လၢ အဒိၣ်တၢ်ဂ့ၤလၢကီၢ်ပူၤ ပၣ်ဃုာ်ဒီးနီၢ်အ့ၤစတၢ်လီၤ. လၢပှၤပိာ်မုၣ်တဖၣ်အံၤအကျါန့ၣ် စီၤပၤဃုထၢထီၣ်ဝဲ နီၢ်အ့ၤစတၢ်လၢ နီၢ်ပၤမုၣ်လီၤ. စီၤမၢ်ဒကဲၤ တဲဘၣ်နီၢ်အ့ၤစတၢ်လၢ နတဘၣ်တဲဖျါထီၣ်လၢ နမ့ၢ်ပှၤယူဒၤမုၣ်တဂ့ၤ.
စီၤဟၤမၣ်မ့ၢ်ပှၤလၢ အပာ်ထီၣ်ထီအသး ဒီးမ့ၢ်စ့ၢ်ကီးပဒိၣ်တဖၣ်အခိၣ်လီၤ. အဝဲအဲၣ်ဒိးလၢပှၤကိးဂၤဒဲး ကတီၤလီၤကဒွံကျိာ်လၢအမဲာ်ညါလီၤ. မ့မ့ၢ်စီၤမၢ်ဒကဲၤန့ၣ် တတီၤလီၤကဒွံကျိာ်လၢ စီၤဟၤမၣ်အမဲာ်ညါဘၣ်. လၢတၢ်န့ၣ်အဃိ စီၤဟၤမၣ်သးပှံၢ်ထီၣ်စီၤမၢ်ဒကဲၤဒီး အဲၣ်ဒိးမၤသံအီၤလီၤ. ဖဲစီၤဟၤမၣ်သ့ၣ်ညါဝဲလၢ စီၤမၢ်ဒကဲၤမ့ၢ်ပှၤယူဒၤဖိအခါ အဝဲကူၣ်ထီၣ်ဝဲလၢကမၤသံ ပှၤယူဒၤဖိခဲလၢာ်လၢကီၢ်ပူၤလီၤ. အဃိ စီၤဟၤမၣ်တဲဘၣ်စီၤပၤလၢ– ‘ပှၤယူဒၤဖိတဒူၣ်အံၤ မ့ၢ်ပှၤလၢအလီၤဘၣ်ယိၣ်အဃိ နဘၣ်မၤသံကွံာ်အဝဲသ့ၣ်ခဲလၢာ်လီၤ.’ စီၤပၤအဃၤၡဝ့ရိၣ် တဲဘၣ်အီၤလၢ– ‘ကွၢ်လၢနအဲၣ်ဒိးမၤန့ၣ် မၤဧီၤ.’ ဒီးစီၤပၤဟ့ၣ်လီၤအခွဲးလၢ စီၤဟၤမၣ် ကထုးထီၣ်ဝဲ တၢ်သိၣ်တၢ်သီတခါလီၤ. ဝံၤဒီးစီၤဟၤမၣ်ထုးထီၣ်ဝဲ တၢ်သိၣ်တၢ်သီတခါလၢအစံးဝဲဒၣ် ဖဲလါအးဒၢ်ထီၣ် ၁၃ သီန့ၣ် ပှၤထံဖိကီၢ်ဖိတဖၣ် ကဘၣ်မၤသံကွံာ်ပှၤယူဒၤဖိခဲလၢာ်လီၤ. ဘၣ်ဆၣ် တၢ်ကူၣ်လၢအအၢအသီအံၤ ယဟိဝၤယွၤသ့ၣ်ညါဝဲလီၤ.
နီၢ်ပၤမုၣ်အ့ၤစတၢ်တသ့ၣ်ညါဝဲလၢ ပှၤထုးထီၣ်တၢ်သိၣ်တၢ်သီအံၤဘၣ်. လၢတၢ်န့ၣ်အဃိ စီၤမၢ်ဒကဲၤ ဆှၢလီၤတၢ်ကစီၣ်လၢ နီၢ်ပၤမုၣ်အ့ၤစတၢ်အအိၣ် ဒီးတဲဝဲလၢ– ‘လဲၤ, လဲၤထံၣ်လိာ်သးဒီးစီၤပၤ.’ နီၢ်ပၤမုၣ်တဲဘၣ်အီၤလၢ– ‘ပှၤလၢစီၤပၤတကိးထံၣ်အီၤဒီး မ့ၢ်လဲၤထံၣ်လိာ်အသးဒီးစီၤပၤန့ၣ် ကဘၣ်တၢ်မၤသံအီၤလီၤ. စီၤပၤတကိးထံၣ်ယၤအိၣ်ဝဲ အသီ ၃၀ လံ. ဘၣ်ဆၣ် ယကလဲၤလီၤ. စီၤပၤမ့ၢ်ယူာ်ဃီၤ အနီၣ်ထိးထူဆူယအိၣ်န့ၣ် ယကအိၣ်မူဘၣ်ဒံး ဒီးစီၤပၤမ့ၢ်တယူာ်ဃီၤဝဲန့ၣ် ယကဘၣ်သံလီၤ.’
နီၢ်ပၤမုၣ်အ့ၤစတၢ်လဲၤဝဲလၢ စီၤပၤအပဲတရီအခီၣ်ထံးလီၤ. ဖဲစီၤပၤထံၣ်အီၤအခါ စီၤပၤယူာ်ဃီၤအနီၣ်ထိးထူဆူ အအိၣ်လီၤ. နီၢ်ပၤမုၣ်လဲၤဃီၤဆူစီၤပၤအအိၣ် ဒီးစီၤပၤသံကွၢ်အီၤလၢ– ‘နီၢ်ပၤမုၣ်ဧၢ, ယကဘၣ်မၤန့ၢ်နၤတၢ်မနုၤလဲၣ်.’ နီၢ်ပၤမုၣ်တဲဆၢတၢ် ခံဘျီတဘျီအခါ စီၤပၤသံကွၢ်ကဒီး နီၢ်ပၤမုၣ်အ့ၤစတၢ်လၢ– ‘ယကဘၣ်မၤန့ၢ်နၤ တၢ်မနုၤလဲၣ်.’ အဝဲတဲက့ၤဝဲလၢ– ‘ပှၤတဂၤအဲၣ်ဒိးမၤသံယၤဒီး ယပှၤကလုာ်လီၤ. ဝံသးစူၤမၤပူၤဖျဲးပှၤမီၤ.’ စီၤပၤသံကွၢ်အီၤလၢ– ‘ပှၤလၢအဲၣ်ဒိးမၤသံနၤန့ၣ် မ့ၢ်မတၤတဂၤလဲၣ်.’ နီၢ်ပၤမုၣ်တဲဆၢက့ၤအီၤလၢ– ‘ပှၤအၢပှၤသီတဂၤန့ၣ် မ့ၢ်ဝဲစီၤဟၤမၣ်အံၤလီၤ.’ စီၤပၤအဃၤၡဝ့ရိၣ် သးပှံၢ်ထီၣ်တၢ်ဒိၣ်မးအဃိ မၢပှၤမၤသံကွံာ်စီၤဟၤမၣ်တထံၣ်ဃီလီၤ.
က့ၤဝဲလၢ– ‘ယအဲၣ်ဒိးကွဲမုာ်နၤဒီးစီၤဟၤမၣ်လၢ ကဟဲအီၣ်သကိးတၢ်ဒီးယၤလၢတဟါအံၤလီၤ.’ ဖဲအဝဲသ့ၣ်အီၣ်သကိးတၢ်အဆၢကတီၢ်န့ၣ် နီၢ်ပၤမုၣ်အ့ၤစတၢ်ကွဲမုာ်ကဒီး အဝဲသ့ၣ်လၢ ကဟဲအီၣ်တၢ်လၢ အသီတဘျီလီၤ. ဖဲတၢ်အီၣ်သကိးဘၣ်ဆၣ် တၢ်သိၣ်တၢ်သီလၢ စီၤဟၤမၣ်ထုးထီၣ်ဝဲန့ၣ် ပှၤမၤလီၤမၢ်ကွံာ်အီၤ တသ့နီတဂၤဘၣ်. စီၤပၤဒၣ်လဲာ် မၤလီၤမၢ်ကွံာ်ဝဲတန့ၢ်ဘၣ်. လၢတၢ်န့ၣ်အဃိ စီၤပၤဒုးကဲထီၣ်စီၤမၢ်ဒကဲၤလၢ ပဒိၣ်အခိၣ်ဒီးဟ့ၣ်လီၤအီၤ တၢ်စိတၢ်ကမီၤလၢကထုးထီၣ်က့ၤ တၢ်သိၣ်တၢ်သီအသီတခါလီၤ. စီၤမၢ်ဒကဲၤထုးထီၣ် တၢ်သိၣ်တၢ်သီတခါလၢ ဟ့ၣ်လီၤအခွဲးလၢ ပှၤယူဒၤဖိတဖၣ် ကဒုးဆၢက့ၤအဒုၣ်အဒါလီၤ. ဖဲလါအးဒၢ်ထီၣ် ၁၃ သီန့ၣ် ပှၤယူဒၤဖိတဖၣ်မၤနၢၤက့ၤဝဲ အဒုၣ်အဒါတဖၣ်လီၤ. စးထီၣ်ဖဲန့ၣ်န့ၣ် ပှၤယူဒၤဖိတဖၣ် မၤဝဲမူးပွဲလၢ ကမၤလၤကပီၤအတၢ်မၤနၢၤအံၤ ကိးနံၣ်ဒဲးလီၤ.
“ပှၤကမိၤသုဆူ ပဒိၣ်ပပှၢ်ဒီးစီၤလိၣ်စီၤပၤ အမဲာ်ညါလၢယဃိ, လၢ တၢ်အုၣ်အသးလၢအဝဲသ့ၣ်ဒီး လၢပှၤကလုာ်တဖၣ် အမဲာ်ညါလီၤ.”—မးသဲ ၁၀:၁၈