Esther éí chʼikę́ę́h Jew dineʼé jílı̨́. Shúshan hoolyéegi haghan. Ląʼí nááhai yę́ędą́ą́ʼ hakʼéí bił yisnááh dajílı̨́įgo Jerúsalemdę́ę́ʼ Nébukadnézzar chʼíhoníʼeezh. Hazeedí Mórdiikai honeesą́. Éí Pérzha biNaatʼáanii Ahazawííras yá naalʼaʼ ńtʼééʼ.

Naatʼáanii Ahazawííras éí náánáłaʼ queen dooleeł niizı̨́ı̨́ʼ. Chʼikę́ę́h ayóó ádanóolninígíí áłah ályaa, Esther ajítah. Naatʼáanii éí Esther néidiiłtı̨́. Mórdiikai éí Esther Jew dineʼé nilı̨́įgi naníłʼin bizhdííniid.

Héíman éí bídahólníhígíí yilą́ąjįʼ sizı̨́įgo ayóó ádaa haʼniih. Tʼáá ánółtso shichʼįʼ yaa áńdaatʼįįh jiní. Ndi Mórdiikai éí doo hachʼįʼ yaa ádzaa da, áko Héíman yikʼee báhóóchįįdgo hodiyeeshxééł niizı̨́ı̨́ʼ. Mórdiikai éí Jew jilı̨́įgi bił bééhoozin, áko Jew dineʼé tʼáá ałtso nidootsił níigo hodeezʼą́. Naatʼáanii ííłní: ‘Jew danilíinii doo nikʼeh dahółʼı̨́į da, áko nidííłtsił.ʼ Ahazawííras ábíłní: ‘Tʼáá ni nínízinígi ánílééh.ʼ Bee hazʼáanii ázhdoolíiłgo haidiníʼą́. Éídar yiził biiʼ 13 yoołkááł góneʼ Jew dineʼé nidooltsił níigo bee hazʼáanii áyiilaa. Jiihóvah éí honéłʼı̨́.

Esther éí bee hazʼáanii ályaii doo hoł bééhózin da. Bééʼélyaaígíí Mórdiikai hachʼįʼ áyiilaago áháłní: ‘Naatʼáanii bichʼįʼ hanidziih.ʼ Esther ájíní: ‘Doo wóshdę́ę́ʼ hoʼdooʼniidii éí hoʼdiyoolyééł. Naatʼáanii doo wóshdę́ę́ʼ shiłniihgóó 30 yiską́, ndi ákǫ́ǫ́ deeshááł. Naatʼá gish shichʼįʼ kóyiilaago éí tʼáá hinishnáa doo. Doo ádzaagóó éí dadeestsaał.ʼ

Esther éí naatʼáanii hooʼáałgi jiníyá. Naatʼá gish hachʼįʼ kóyiilaago áháłní: ‘Esther, haʼátʼíí lá yíníkeed?ʼ ‘Héíman bił shaa dííʼashgo daʼdiidı̨́ı̨́ł,ʼ bijiní.  Daʼjiyą́ągo Esther éí tʼáá kótʼéego náádaʼdiidı̨́ı̨́ł jidííniid. Daʼjiyą́ągo naatʼáanii éí Esther ánáánéidooʼniid: ‘Haʼátʼíí lá yíníkeed?ʼ Esther ájíní: ‘Shidineʼé bił nidanihidoołtsiłgo nidahaʼá. Tʼáá shǫǫdí, nihíká anilyeed.ʼ Naatʼáanii nahódééłkid: ‘Háísh nanihideestsxił ní?ʼ Esther ájíní: ‘Héíman, éí doo yáʼátʼéeh da.ʼ Ahazawííras báhóóchįįdgo Héíman hoʼdiisyı̨́.

Bee hazʼáanii tʼą́ą́ʼ ánídoolnííł doo bohónéedzą́ą da, ndi Naatʼáanii éí Héíman bee bóhólnííh yę́ę Mórdiikai baazhdiníʼą́. Áko Mórdiikai bee hazʼáanii ániidíii ájiilaa, éí bikʼehgo Ízrel dineʼé tʼáá bí áchʼą́ą́h nidaabaah. Éídar yiził biiʼ 13 yoołkááł góneʼ Jew dineʼé beʼanaʼí yikʼeh dadeesdlı̨́ı̨́ʼ. Tʼáá nináháhááh ahínéikahgo, akʼeh dadeesdlı̨́ı̨́ʼ yę́ę celebrate áńdayiilʼįįhgo bee hahoolzhiizh.