Esteri uátsï judia máespti enga Persia irekapka, ireta ma jimbo enga Susa arhinhaenga. Esterini imeri primu Mardokeu kʼuiriperaspti, enga jántspiri máepka Persia anapu rei Asuerueri.

Rei Asueru jimbanhi reinani ma uékasïrendi. Jimboksïsï imeri jántspiricha pákuapti sánderu sési járhati uátsïchani paisirhu anapu ka ístu Esterini. Iámindu ima uátsïcheri, rei, Esterini erakuspti para reinaeni. Mardokeu arhispti Esterini eska no nemani aiangupiringa eska judiaespka.

Achati ma enga Amani arhinhaenga, kʼéramakuarhisïrendi ka jefespti prínsipecheri. Uékasïrendi eskaksï iáminduecha kʼutitsekupiringa. Peru Mardokeu no ísï úsïrendi. Amani xáni ikiaspti enga uékaenga uándikuni. Enga mítipka eska Mardokeu judiuespka, eratsispti úni ambe ma para kʼamajkuani iámindu judiuechani imani paisirhu. Arhispti reini: “Judiuechaksï peligrosuesti. Uétarhisïndi uándikuani”. Asueru arhispti: “Ú ambe engari eratsijka eska sési jarhaska”. Ka jurajkuspti eska úpiringa lei ma enga uandaenga eska jurhiatikua 13 jimbo kutsï adariri, kʼuiripu jatsispka para uándikuani judiuechani. Peru Jeoba iámindu ambe exexapti.

Esteri no ma ambe mítispti i leiri. Jimbosï Mardokeu kopia ma axakupti ka arhispti: “Jatsiskari para uandontskuarhini rei jingoni”. Esteri arhispti: “Né enga niraska reini exeni enga ima no pʼitajkuarhika, jatsisti para uarhini. Ka 30 jurhiatikuestia engarini no pʼímarhijka. Peru niuaka. Engarini senialariska imeri setru jingoni, irekaaka, peru enga nómbe, uarhiaka”.

Esteri niraspti palasiueri patiurhu para exeni reini. Enga rei exepka, senialarispti imeri setru jingoni. Esteri andarheraspti ka rei arhispti: “¿Ambe uá úni tʼungini  jimbo?”. Ima arhispti: “Tʼirekua ma uáka ka uékasïnga eskari juuaka Amani jingoni”. Engaksï tʼireni japkia, Esteri ménderu pʼímarhiaspti tʼireni. Engaksï ménderu tʼireni japkia, rei ménderu kurhamarhispti Esterini: “¿Ambe uá úni tʼungini jimbo?”. Ima arhispti: “Jarhasti nema engajtsïni uéjka uándikuni jíndeni ka juchiti iretani. Jimboetakua, salbarijtsïni”. Rei arhispti: “¿Nékini uékasïni uándikuni?”. Esteri arhispti: “I achati enga xáni no sési úrika, Amani”. Asueru xáni ikiaspti enga seguiripka juramuni eskaksï uándikupiringa Amanini.

Peru no nema úsïrendi kénditani leini enga Amani úpka, ni sikiera rei. Jimbosï rei úpti eska Mardokeu jefepiringa prínsipecheri ka jurajkuspti eska úpiringa máteru lei. Ima lei uandasïrendi eskaksï judiuecha úpiringa kuájpikuarhini. Jurhiatikua 13 jimbo, kutsï adariri, judiuechaksï uándikuaspti imeri enemiguechani. Desde ima jurhiatikua, judiuechaksï uénaspti miántani mándani uéxurhini na engaksï andapiti uérapka.