400 nááhai bikééʼdóó Jerúsalem bináʼástłʼin ánályaa, éí bíighahgi nááʼiiłniihii Zakaráíyah dóó beʼasdzą́ą́ Elízabeth kééhatʼı̨́. Ahíjískéego ląʼí nááhai ndi haʼáłchíní doo hwee hólǫ́ǫ da. Zakaráíyah kin biiʼ sohodizin góneʼ yah ajííyáago diyingo naalʼaʼí Géíbriyel hachʼįʼ yitʼíní áʼdiilyaa. Zakaráíyah násdzidgo Géíbriyel áháłní: ‘Tʼáadoo nił yéʼí, haneʼ yáʼátʼéehii shee hólǫ́, Elízabeth éí ashkii ná yidoołchííł, áko John bee yídíízhiił. Éí Jiihóvah naanish ayóó átʼéii haidiníʼą́.ʼ Zakaráíyah ání: ‘Haitʼéego ádoonííł, shí dóó sheʼasdzą́ą́ haʼsiitih.ʼ Áádóó Géíbriyel áháłní: ‘Diyin God díí haneʼ yee nichʼįʼ ashííłʼaʼ. Doo shíínídlą́ą́dgóó biniinaa awééʼ yizhchı̨́įgo índa háádíídzih.ʼ

Zakaráíyah sanctuary góneʼ yah azhdínóodzá. Tłʼóoʼgi diné habaʼ naháaztánígíí haalá jiidzaa dahóʼní. Chʼéédzídzáago, doo yájíłtiʼgóó hálaʼ tʼéí bee gesture ajíłʼı̨́. Áádóó Jiihóvah bitsʼą́ą́dę́ę́ʼ haneʼ haa yítʼą́ą́ lágo yaa ákodaniizı̨́ı̨́ʼ.

Diyingo naalʼaʼí yee hoł hoolneʼígi átʼéego Elízabeth iʼniiltsąąd, áádóó ashkii jishchı̨́įgo John bee jíízhiʼ. Hakʼéí dóó hakʼis bił dahózhǫ́ǫgo awééʼ deinéłʼı̨́, áko ádaaní: ‘Nikʼéí doo łaʼ John wolyée da, áko bizhéʼé bízhiʼ bee deíyínóhshí.ʼ Ndi Zakaráíyah akʼeʼashchı̨́įgo éí John wolyé, ní. Éí bikéédóó haníjoodzííʼ. Judíya hazʼą́ągi awééʼ yizhchínígíí baa dahóoneʼ. Áko diné ádeinízin: ‘Díí awééʼ neeyą́ągo haʼátʼíí binaanish doo?ʼ

Zakaráíyah éí níłchʼi diyinii biiʼ hadéébįįdgo ání: ‘Jiihóvah baa haʼniih leʼ. Éí Éíbraham yichʼįʼ ádee haadzíiʼgo ání, Mesáíyah yisdánihidoonił biniyé nihichʼįʼ deeshʼaał. John éí Jiihóvah yá halneʼii nilı̨́į doo. Éí Mesáíyah bilą́ąjįʼ bá honítʼiʼgóó hashtʼehojiléeh doo.ʼ

 Elízabeth bikʼéí Mary ałdóʼ baa haneʼ. Éí bíhwiidooʼáłígíí 69 góneʼ baa daʼíídíilta.