Nipetrake ta Nazareta ao, a Galilia agne ty Maria longo i Elizabeta. Fofom-baly i Josefa mpandrafitse ty Maria. Niseho tamy i Maria ka ty Gabriela, naho fa enem-bolagne ty tro i Elizabeta. Hoe reke: ‘Salama Maria! Tea azo ty Jehovah.’ Faie tsy fanta i Maria ty tea’e ho rehafegne. Hoe amy izay ty Gabriela: ‘Hivesatse rehe sady hiterake ana-dahy, le i Jesosy ty hatao’o agnara’e. Ho Mpanjaka reke sady haharetse nainai’e ty Fanjakà’e.’

Hoe ty Maria: ‘Akore ty hahavy izay ragnandria, izaho mbe tsy nanao firaisagne?’ Hoe ty Gabriela: ‘Tsy misy raha tsy ho vitan’Andrianagnahare. Ho avy ama’o i fagnahy masigney, le hitera-dahy rehe. Fa mivesatse hinane zao ty Elizabeta longo’o.’ Hoe ty Maria: ‘Mpanompo vave i Jehovah raho, lonike ho avy amako ze reha’o zay!’

 Nitilike i Elizabeta mbeo ty Maria. Naho fa nanalama aze ty Maria, le rey i Elisabeta nihetseke ty ajaja tan-tro’e ao. Nifeno fagnahy masigne reke, le nirehake tie: ‘Nitahie i Jehovah gea rehe Maria. Fale raho fa niziliha ty rene i Tompoko ty tragnoko.’ Hoe ty Maria: ‘Midera i Jehovah amy ty foko raho.’ Nitoboke tamy i Elizabeta agne tagnate ty telo volagne ty Maria, vaho izay noly ta Nazareta agne.

Naho nirey i Josefa tie mivesatse ty Maria, le ho nisarake ama’e reke. Faie nisy anjely nirehake tama’e tagnate nofy tie: ‘Ko matahotse ty hanambaly i Maria rehe fa tsy raha nanao raty reke.’ Nalae i Josefa ho vali’e amy izay ty Maria.