Рома императору Сезар Август әмр верир ки, бүтүн јәһудиләр гејдијјата алынмаг үчүн өз шәһәрләринә гајытсынлар. Буна ҝөрә дә Јусиф вә Мәрјәм Јусифин аиләсинин шәһәринә, Бејтләһмә јола дүшүрләр. Мәрјәмин доғмаг вахтына аз галыб.

Јусифлә Мәрјәм Бејтләһмә чатанда ҝеҹәләмәк үчүн анҹаг төвләдә јер тапырлар. Елә орадаҹа Мәрјәм Исаны дүнјаја ҝәтирир. О, ушағы бәләјиб еһмалҹа ахура гојур.

Бејтләһм јахынлығында чобанлар олур. Онлар чөлдә галыб, ҝеҹәләр сүрүләринин кешијини чәкирләр. Бирдән бир мәләк пејда олур вә Јеһованын гүдрәти әтрафа нур сачыр. Чобанлар горхур. Мәләк исә онлара дејир: «Горхмајын. Сизә хәбәр ҝәтирмишәм. Бу ҝүн Бејтләһмдә Мәсиһ доғулду». Бирдән ҝөјдә чохлу мәләк пејда  олур. Онлар дејирләр: «Ҝөјләрдәки Аллаһымыза алгыш олсун! Јерә сүлһ нәсиб олсун». Сонра исә мәләкләр ҝөздән итир. Ҝөрәсән чобанлар нә едәҹәкләр?

Чобанлар бир-бириләринә дејирләр: «Ҝәлин елә бу саат Бејтләһмә ҝедәк». Онлар дәрһал јола дүшүрләр. Чобанлар Јусифлә Мәрјәми вә ахурдакы көрпәни тапырлар.

Мәләјин чобанлара дедији сөзләрдән хәбәр тутан һәр кәс һејрәтә ҝәлир. Мәрјәм мәләјин сөзләри һагда дәриндән дүшүнүр вә бу сөзләри һеч вахт унутмур. Чобанлар сүрүләринин јанына гајыдыб ҝөрдүкләри вә ешитдикләри һәр шејә ҝөрә Јеһова Аллаһа шүкр едирләр.