César Auguste, njô bôte ya Rome, a nga jô Bejuif bese na be ke élañe bôt vôme be nga bialé. Ane Joseph ba Marie be nga ke Bethléhem, vôme Joseph a nga bialé. Valé Marie a mbeme biaé.

Éyoñ be nga kui e Bethléhem, susu’a vôme be mbe be ve tabe, a mbe nda biyem. Valé nnye Marie a nga biaé Yésus. A nga vute nye biyé, a bôône nye vôme betite ba di.

Alu ete, beba’ale mintômba be mbe be ba’ale’ mintômba miabe fefele Bethléhem. E viane teme na, éngele a ntele be ôsu, éfufube Yéhôva é maneya yametane vôm ase. Be ve zu si’an, ve éngele a nga jô be na: ‘Te mia ko woñ. Me bili mbamba foé. Messie a te bialé Bethléhem e môse wu.’ Été été, abui beéngele e nga sulan a jô na: ‘Duma e bo’o be Zambe, a mvo’é  é bo’o si.’ Ane beange be nga jañe be mis. Beba’ale mintômba be nga bo aya?

Wua a nga taté na a jô nyô mbo’o na: ‘Enkelané Bethléhem éto ébiene ji.’ Ane be nga ji’a téé; be nga ke koone Joseph ba Marie be too nda betit, a ntyene mone wop.

Môt ase a mbe a wô’ô na beéngele be nga kobô a beba’ale mintômba a mbe a kamek. Marie a nga ba’ale mejô beéngele mese nlem été. Ane beba’ale mintômba be nga bulan, be kele’e ba ve Yéhôva akiba asu mam mese be nga yen a wôk.