César Augusto ogovernárõ guare pe Império romano, ojapouka peteĩ sénso ha heʼi entéro judío oho vaʼerãha oñeanota pe lugár onase haguépe. Upévare José ha María oviaha Belénpe pórke José upépe guare. Upérõ María hyeguasuetéma ha og̃uahẽmbaitéma pe fécha imemby hag̃ua.

Og̃uahẽrõ guare hikuái Belénpe ndaiporivéima lugár opyta hag̃ua, upémarõ opyta hikuái peteĩ estávlope. Upépe onase Jesús. María olia chupe umi téla isuáve asývape ha omoñeno chupe peteĩ kanekaʼípe.

Namombyrýi Beléngui, upe pyharépe unos kuánto ovecharerekua okuida hína kuri ijovechakuérare pe ñúre. Upeichaháguinte ojeaparese chupekuéra peteĩ ánhel ha omimbipa ijererekuéra. Umi ovecharerekua tuichaiterei oñemondýi, upévare pe ánhel heʼi chupekuéra: “Ani pekyhyje, che aju amombeʼu hag̃ua peẽme peteĩ notísia iporãitereíva. Koestedía pe Mesías oime onaséma Belénpe”. Upépe ojeapareséma hetave ánhel ha heʼi:  “Toñembotuicha Ñandejárape yvágape, ha ko yvy ape ári taipyʼaguapy umi hénte”. Upéi umi ánhel oho jey yvágape. ¿Mbaʼépa ojapo upe rire umi ovecharerekua?

Upévo umi ovecharerekua heʼi ojupe: “Koʼag̃aite voi jaha Belénpe”. Ensegída umi ovecharerekua osẽ oho Belénpe, upépe otopa hikuái José ha Maríape peteĩ estávlope ha ohecha hikuái pe mitã onase ramóvape.

Entéronte oponderajoa oikuaávo pe ánhel heʼi vaʼekue umi ovecharerekuápe. María siémpre ojepyʼamongeta pe ánhel heʼi vaʼekuére ha ndahesaráiri umívagui. Upéi umi ovecharerekua oho jey pe ñúme oñangareko hag̃ua ijovechakuérare, haʼekuéra oagradeseterei Jehovápe entéro umi mbaʼe ohecha ha ohendu vaʼekuére hikuái.