ĨSOMO YA 70
Alaĩka Nĩmatavisye Aĩthi Kana Yesũ Nũsyaiwe
Mũsumbĩ wa Lomi ũla weetawa Kaisali Aukusito nĩwaumisye mwĩao Ayuti onthe masyoke mũsyĩ kwoo makaandĩkĩthwʼe. Kwoou Yosevu na Meli nĩmaendie Mbetheleemu vala mũsyĩ wa Yosevu waumĩte. Ĩvinda yĩu Meli aĩ vakuvĩ kũsyaa.
Yĩla mavikie Mbetheleemu, vandũ vala makwatie matonya kwĩkala vaĩ kĩtũũnĩ kana kyũũnĩ kya indo. Vau nĩvo Meli wasyaĩe mwana wake Yesũ. Meli nĩwalingile Yesũ na ngũa na amwia vala indo syeekĩĩawa lĩu.
Vakuvĩ na ndũa ya Mbetheleemu, vaĩ aĩthi masiasya indo syoo ũtukũ. Matataĩĩe mũlaĩka nĩwaũngamie mbee woo na kyeni kya ũtheu mũtisu wa Yeova kyamathyũlũlũka. Aĩthi nĩmatelemile mũno, ĩndĩ mũlaĩka amea: ‘Mũikakĩe. Nĩ na ũvoo mũseo. Masia nũsyaiwe ũmũnthĩ ndũanĩ ya Mbetheleemu.’ Ĩvindanĩ o yĩu alaĩka aingĩ nĩmaumĩlile yayayanĩ na masya: ‘Nataĩwe Ngai ĩtunĩ, na nĩkwĩthĩwe mũuo ĩũlũ wa nthĩ.’ Na ĩtina wa kũneena ndeto isu alaĩka nĩmaaie. Ĩndĩ aĩthi asu meekie ata?
Aĩthi asu meeanie atĩĩ: ‘Tũthi Mbetheleemu oyu.’ Nĩmaendie na mĩtũkĩ na meethĩa Yosevu na Meli kĩtũũnĩ kya indo me na kana koo.
Andũ ala meewie kĩla mũlaĩka watavisye aĩthi nĩmasengʼie. Nake Meli nĩwasũanĩie mũno ndeto sya mũlaĩka ũsu na ndaaũlwa nĩsyo. Namo aĩthi nĩmasyokie ndĩthyanĩ syoo maimũtũngĩa Yeova mũvea nũndũ wa maũndũ onthe ala moonie na meewʼa.
“Naumie kwa Ngai na nĩ vaa. Ndyaaũka kumana na ũtwi wakwa mwene, ĩndĩ Ũsu nĩwe wandũmie.”—Yoana 8:42
No Wendeewʼe Nĩ Ii
ĨTHĨWA NA MŨĨKĨĨO TA WOO
Meli—Nĩwasũanĩie Maũndũ “Ngoonĩ Yake”
Maũndũ ala Meli wataviw’e e Mbetheleemu nĩmatumie aendeea kwĩthĩwa na mũĩkĩĩo mũlũmu nthĩnĩ wa mawatho ma Yeova
YESŨ NĨWE NZĨA, NĨWE W’O, NĨWE THAYŨ
Yesũ Nĩwataĩiwe o na Atambĩte Kũsyawa
Nĩ kwa nzĩa yĩva Elisavethi vamwe na kana kala ũtaĩ anamba kũsyaa mamũtaĩie Yesũ?
YESŨ NĨWE NZĨA, NĨWE W’O, NĨWE THAYŨ
Yesũ Asyaĩwe Va, na Asyaiwe Ĩndĩĩ?
Twĩsĩ ata kana Yesũ ndaasyawa Matukũ 25, Mwei wa 12?
