GĨCUNJĨ KĨA 70
Araika Kwanĩrĩra Gũciarũo kwa Jesu
Mũthamaki wa Roma, Kaisari Augusto, nĩ aathanire Ayahudi othe macoke kwao nĩguo makeyandĩkithie. Nĩ ũndũ ũcio Jusufu na Mariamu magĩthiĩ Bethilehemu, kũrĩa Jusufu oimĩte. Hĩndĩ ĩyo Mariamu aarĩ hakuhĩ kũgĩa mwana.
Rĩrĩa maakinyire Bethilehemu, mationire handũ ha gũikara, na nĩ ũndũ ũcio magĩthiĩ kiugũ-inĩ. Hau nĩho Mariamu aahereirũo Jesu. Aamũthaire na tama na akĩmũkomia mũharatĩ-inĩ.
Nĩ kwarĩ na arĩithi maarĩithagia ndũũru ciao ũtukũ hakuhĩ na itũũra rĩa Bethilehemu. Mũraika nĩ aarũgamire mbere yao o rĩmwe na makĩrigicĩrio nĩ ũtheri wa riri wa Jehova. Arĩithi acio nĩ maamakire, no mũraika akĩmeera ũũ: ‘Mũtigetigĩre. Ndĩ na ũhoro mwega. Ũmũthĩ Mesia nĩ aciarirũo itũũra-inĩ rĩa Bethilehemu.’ Ihinda-inĩ o rĩu, araika aingĩ makiumĩra na makiuga: ‘Goocai Ngai ũrĩa ũrĩ igũrũ, na thĩ ĩrogĩa na thayũ.’ Araika acio magĩcoka makĩagwo. Arĩithi meekire atĩa?
Meeranire ũũ: ‘Nĩ tũthiĩi Bethilehemu o rĩu.’ Maathire o hĩndĩ ĩyo na magĩkora Jusufu na Mariamu marĩ kiugũ-inĩ na mwana wao.
Andũ arĩa othe maaiguire ũrĩa mũraika eerĩte arĩithi acio nĩ maamakire mũno. Mariamu nĩ eecũranirie ciugo iria eerĩtwo nĩ mũraika na ndaariganĩirũo nĩcio. Arĩithi nĩ maacokire kũrĩ ndũũru ciao makĩgoocaga Jehova nĩ ũndũ wa maũndũ marĩa mothe monete na makaigua.
“Ndokire nyumĩte kũrĩ Ngai na rĩu ndĩ haha. Ndiũkĩte ndĩĩtũmĩte niĩ mwene, no Ũcio nĩwe wandũmire.”—Johana 8:42
Icunjĩ Ingĩ Hihi Ũngĩenda Gũthoma
WĨGEREKANIE NA WĨTĨKIO WAO
Mariamu ‘Aacũranagia Maũndũ na Ngoro Yake’
Maũndũ marĩa Mariamu aacemanirie namo arĩ Bethilehemu nĩ mamũteithirie kũgĩa na wĩtĩkio mũrũmu harĩ ciĩranĩro cia Jehova.
JESU—NĨWE NJĨRA, MA, NA MUOYO
Jesu Kũheo Gĩtĩo Atanaciarũo
Elizabethi na kaana karĩa kaarĩ nda yake maatĩire Jesu atĩa?
JESU—NĨWE NJĨRA, MA, NA MUOYO
Jesu Aaciarirũo Rĩ na Aaciarĩirũo Kũ?
Tũmenyaga atĩa atĩ Jesu ndaaciarirũo Dicemba 25?
