Kehˉsaˍ Awˇguˇtuˆ Roˉmaꞈ mvuhˇ miˬ htaꞈ uˉ peunˍ htaˇ, Yuˇdaꞈ chaw teˇ gʼaˇ le le a shu yawˇ ve paw kuiˬ mvuhˇ miˬ lo awˬ meh ca keu tuˬ tawˇ piˇ ve yoˬ. Yoˇsehꞈ leh Maˍriˆ Behˍlehˍhennˍ venˇ Yoˇsehꞈ paw kuiˬ lo kʼai ve yoˬ. Oˇ ve teˇ yanˇ Maˍriˆ yaˇ paw la paˇ neˇ ve yoˬ.

Yawˇ hui Behˍlehˍhehnˍ venˇ lo gaˬ la htaˇ, haˉ kuiˬ nuˇ hkʼawˆ hkʼaw ceh tiˉ cawˬ ve yoˬ. Maˍriˆ Yeˍsuˆ htaꞈ oˇ kaˬ lo paw ve yoˬ. Yawˇ yaˇ ehˉ htaꞈ pehˉ keu htiˆ leh nuˇ loꞈ kʼoˍ hkʼaw iˉ taˍ ve yoˬ.

Behˍlehˍhehnˍ venˇ awˬ paˇ lo yawˬ hawˉ paˍ teˇ moˍ heh hkʼaw lo mvuhˇ hpeuꞈ htaˇ yawˇ hui yawˬ htaꞈ shaw chehˇ ve yoˬ. Oˇ ve teˇ yanˇ mvuhˇ naw ma tcuh yaˇ teˇ gʼaˇ yawˇ hui mehˆ gʼuˇ suhˍ lo huˉ taˍ ve yoˬ. Hkʼe te leh, Yaˬhoˉvaˬ ve awˬ meꞈ awˬ hponˇ yawˬ hawˉ paˍ awˬ hkʼoˆ awˬ gʼeuˆ hkʼa caw zuhˇ ba tawˆ la leh yawˇ hui kawˆ jaˇ ve yoˬ. Yaꞈ hkʼaˇ, mvuhˇ naw ma tcuh yaˇ yawˇ hui htaꞈ kʼoˆ piˇ ve, ‘taˇ kawˆ. Ha lehˬ tuˬ uiˍ jaˇ ve tawˇ hkawˇ hto laˇ tuˬ laˬ ve yoˬ.  Yaꞈ nyi Meˍsiˉyaꞈ Behˍlehˍhehnˍ venˇ lo paw la peuˬ.’ Oˇ ve hkʼawꞈ nawˉ, mvuhˇ naw ma hkʼoˆ lo mvuhˇ naw ma tcuh yaˇ awˬ moˍ lonˉ laꞈ haˉ tawˆ la leh kʼoˆ ve, ‘mvuhˇ naw ma hkʼoˆ Gʼuiˬ sha htaꞈ chiˇ mvuh piˇ˗oˆ. Miˬ guiˬ hkʼoˆ lo htawˇ dawˇ sha gaˇ sha tuˬ cawˬ piˇ˗oˆ.’ Peuˬ leh yawˇ hui mehˉ kʼai ve yoˬ. Yawˬ hawˉ paˍ hkʼaˬ hkʼe te tuˬ le?

Yawˇ hui kʼoˆ daꞈ ve, ‘Behˍlehˍhehnˍ venˇ lo haˆ haˆ kʼai loˬ.’ Yawˇ hui gaˬ la htaˇ, Yoˆsehꞈ, Maˍriˆ, leh nuˇ loꞈ kʼoˍ hkʼaw yaˇ ehˉ iˉ taˍ ve htaꞈ gʼa mawˬ ve yoˬ.

Mvuhˇ naw ma tcuh yaˇ yawˬ hawˉ paˍ htaꞈ kʼoˆ piˇ ve awˬ lawn yawˇ hui shu htaꞈ kʼoˆ piˇ leh gʼa kaˇ ve chaw teˇ gʼaˇ le le anˇ jaˇ. Maˍriˆ mvuhˇ naw ma tcuh yaˇ kʼoˆ piˇ ve tawˇ htaꞈ tawnˇ taˍ leh nyi ma hkʼaw dawˇ nyi chehˇ ve yoˬ. Yawˬ hawˉ paˍ yawˬ awˬ moˍ geh kʼoꞈ˗e leh yawˇ hui gʼa mawˬ gʼa kaˇ ve awˬ ceuˬ hkʼa peu˗eˬ Yaˬhoˉvaˬ htaꞈ chiˇ mvuh ve yoˬ.