Gu bazogo nangia ga gu Bariwara Ngbii Nga ga aRomo nangia Kaisara Auguseto, arũndiko nga aYudo dunduko karagatiyo ku rogo gayo agbata tipa ka ke rimoyo. Sidu, aYosefa na Maria andu ku Betereme yo, yo ga Yosefa aborokporo aye ni. Regbo aima mbeda tipa Maria batika wiiri.

Ho i ada ni Betereme yo, bambu anya nangia gu yangara ba i agbiaha tipa ka sungo yo. Yo du Maria abatika wiiri nga Yesu ni. Ri akai ko na fiõfiõ roko na ki pigi ko rogo ga anya ba riahe.

Mbembedi na Betereme, bete ababanda akandoro adu zegiyo naangerafuo gayo akandoro yuru. Nibasa, Maraika aru barabangiriyo na ga Yekova imarago nga ga taarimo ki keyo ake kirikiri. Gunde azi agu ababanda akandoro re, ono maraika aya: ‘Ka oni gundenga ya. Wene pangbanga du ngbare furoni. I batika Masiya areme Betereme yo.’ Tigu regbo re, dungu amaraika akuru  ariyo kini ya: ‘Taarimo dú fu Mbori rogo arago dũ, zereda du dagba aboro sende no.’ Fuani, agu amaraika re ki ingi. Ginipai ababanda akandoro amangihe?

Agu ababanda akandoro re afura dagbatiyo nga: ‘Ani ndu nibasa ku Betereme yo.’ I andu ni ipo ki bi Yosefa na Maria bambu anya yo na fogo wiriyo.

Agu aboro dunduko nagi gupai amaraika apehe fu ababanda akandoro, kina ngbayo nazere. Maria aberẽ dudunguro kurii afugo gu maraika re na bangiiri aagonga ti ni te. Agu ababanda akandoro re akaragatiyo fuo gayo akandoro, ki tambua Yekova tipa agu apai dunduko i abihe na ki gihe.