EHONGWA 72
Jesus tja ri omuṱiṱi
Josef na Maria va turire moNasaret na Jesus novanatje vawo ovazandu novakazona. Josef aa ungura otjomuhonge womiti okuṱakamisa eṱunḓu re, nokuvehonga ohunga na Jehova nOmatwako we. Eṱunḓu ra ya kondjuwo kaaku wongarere ombongo okukerikotamena na koJerusalem ombura aihe okukazemburuka Opaska.
Indu Jesus tja ri nozombura 12, eṱunḓu re ra toora ouyenda oure okuyenda koJerusalem otja tji pe kara aruhe. Otjihuro tje u rire ovandu ovengi mbe ya okurya omukandi wOpaska. Kombunda yanao, Josef na Maria va toora ouyenda wawo okuyaruka konganda, amave nangarasi Jesus u ri puna wo. Posiya indu tjaave paha Jesus mokati kovazamumwe vawo, owo kaave yenene okumumuna.
Owo va yaruka koJerusalem, nu oure womayuva 3 owo aave paha omuzandona wawo. Korusenina ve kemuvaza mondjuwo ondjapuke yaMuhona. Jesus wa ri a haama mbo mokati kovahonge, ama puratene nawa ku wo nokuvepura omapuriro omawa. Ovahonge mba va himisirwe tjinene i Jesus nga tji va uta okumupura omapuriro. Nu va himisirwe i omuano mbwaa ziri omapuriro wawo. Owo aave yenene okumuna kutja eye aa tjiwa nawa Omatwako waJehova.
Josef na Maria va ri amave rikende tjinene. Maria wa tja: ‘Muatje wandje, eṱe twe ku paha koṋa akuhe. Wa ri pi?’ Jesus wa tja: ‘Eṋe kamu nakutjiwa kutja ami mbi sokukara mondjuwo yaTate are?’
Jesus wa ya konganda pu novanene ve koNasaret. Josef wa honga Jesus okuhonga omiti. Ove mo munu kutja Jesus wa ri omungendu tja ri omutanda? Otja tjee kuru Jesus wa ririra ko onongo nu Mukuru novandu va ri nonyuṋe mu ye.
“Tjiri, ami mbi suvera okutjita ombango yoye, Ndjambi wandje; omahongero woye mbi ye ṱakamisa momutima wandje.”—Epsalme 40:8
Mo yenene okutara ku imbi wina
HONGA OVANATJE VOYE
Jesus aa raisa onḓuviro aruhe
Katjiṋa otjipupu okukara nonḓuviro kovanene voye aruhe. Tara kutja otjihorera tjaJesus matji ku vatere vi.
HOREREYE KONGAMBURIRO YAWO
Josef—wa ṱakamisa eṱunḓu re nawa, nu wa panḓera po
Josef wa tjevera eṱunḓu re momiano viṋe? Ongwaye eye tja twara Maria na Jesus koEgipte?
