មេរៀនទី៧២
ពេលលោកយេស៊ូនៅក្មេង
យ៉ូសែបនិងម៉ារៀរស់នៅក្រុងណាសារ៉ែតជាមួយលោកយេស៊ូ និងកូនប្រុសកូនស្រីជាច្រើននាក់ទៀត។ យ៉ូសែបធ្វើការជាជាងឈើដើម្បីចិញ្ចឹមក្រុមគ្រួសារ ហើយបង្រៀនក្រុមគ្រួសារអំពីព្រះយេហូវ៉ានិងច្បាប់របស់លោក។ គាត់នាំក្រុមគ្រួសារទៅសាលាប្រជុំជាទៀងទាត់ដើម្បីគោរពប្រណិប័តន៍ព្រះ និងទៅក្រុងយេរូសាឡិមដើម្បីធ្វើបុណ្យរំលងជារៀងរាល់ឆ្នាំ។
ពេលលោកយេស៊ូអាយុ១២ឆ្នាំ ក្រុមគ្រួសាររបស់លោកបានធ្វើដំណើរឆ្ងាយទៅក្រុងយេរូសាឡិមដូចធម្មតា។ នៅពេលនោះ ក្រុងមានមនុស្សច្រើនកុះករដោយសារពួកគេមកធ្វើបុណ្យរំលង។ លុះចប់បុណ្យរំលង យ៉ូសែបនិងម៉ារៀក៏ធ្វើដំណើរទៅផ្ទះវិញ ដោយគិតថាលោកយេស៊ូនៅក្នុងក្រុមដែលធ្វើដំណើរជាមួយនឹងពួកគាត់។ ប៉ុន្តែ ទោះជាពួកគាត់ខំរកលោកយេស៊ូក្នុងចំណោមសាច់ញាតិ ពួកគាត់នៅតែរកលោកមិនឃើញ។
ដូច្នេះ ពួកគាត់ត្រឡប់ទៅក្រុងយេរូសាឡិមវិញ ហើយតាមរកកូនអស់បីថ្ងៃ។ ទីបំផុត ពួកគាត់ទៅរកនៅឯវិហារ ក៏ឃើញលោកយេស៊ូកំពុងអង្គុយស្ដាប់ពួកគ្រូ និងសួរសំណួរល្អៗដល់ពួកគ្រូទៀតផង។ ពួកគ្រូកោតស្ងើចលោកយេស៊ូជាខ្លាំង បានជាពួកគេសួរលោកនូវសំណួរផ្សេងៗ។ ពួកគេភ្ញាក់ផ្អើលនឹងចម្លើយរបស់លោក។ ដូច្នេះ ពួកគេយល់ឃើញថា លោកមានការយល់ដឹងច្រើនអំពីច្បាប់របស់ព្រះយេហូវ៉ា។
យ៉ូសែបនិងម៉ារៀមានការព្រួយបារម្ភជាខ្លាំង។ ម៉ារៀនិយាយថា៖ ‹កូនម្ដាយ យើងខំស្វែងរកកូនគ្រប់ទីកន្លែង តើកូនបាត់ទៅណា?›។ លោកយេស៊ូឆ្លើយថា៖ ‹តើម្ដាយមិននឹកឃើញថា កូននៅក្នុងវិហាររបស់បិតាកូនទេឬ?›។
បន្ទាប់មក លោកយេស៊ូត្រឡប់ទៅក្រុងណាសារ៉ែតជាមួយនឹងឪពុកម្ដាយរបស់លោក។ យ៉ូសែបបានបង្រៀនលោកយេស៊ូឲ្យធ្វើជាជាងឈើ។ តើអ្នកគិតថាលោកយេស៊ូជាកូនបែបណា? កាលដែលលោកយេស៊ូធំឡើង លោកកាន់តែមានប្រាជ្ញា និងកាន់តែជាទីពេញចិត្តរបស់ព្រះនិងមនុស្ស។
«ឱព្រះរបស់ខ្ញុំអើយ ខ្ញុំពេញចិត្តធ្វើតាមបំណងប្រាថ្នារបស់លោក ហើយច្បាប់របស់លោកនៅជាប់ក្នុងចិត្តខ្ញុំជានិច្ច»។—ចម្រៀងសរសើរព្រះ ៤០:៨
លោកអ្នកក៏ប្រហែលជាចូលចិត្តដែរ
ចូរបង្រៀនកូនរបស់អ្នក
លោកយេស៊ូតែងតែស្តាប់បង្គាប់
ការធ្វើតាមបង្គាប់របស់ឪពុកម្ដាយគឺមិនតែងតែងាយស្រួលទេ។ សូមពិចារណារបៀបដែលគំរូរបស់លោកយេស៊ូអាចជួយអ្នក។
លោកយេស៊ូ ជាផ្លូវ ជាសេចក្ដីពិត ជាជីវិត
លោកយេស៊ូនិងក្រុមគ្រួសារធ្វើដំណើរទៅក្រុងយេរូសាឡិម
យ៉ូសែបនិងម៉ារៀខំរកកុមារយេស៊ូទាំងពិបាកចិត្ត តែកុមារយេស៊ូភ្ញាក់ផ្អើលដោយសារឪពុកម្ដាយមិនដឹងថាលោកនៅទីណា។
លោកយេស៊ូ ជាផ្លូវ ជាសេចក្ដីពិត ជាជីវិត
លោកយេស៊ូធំឡើងនៅក្រុងណាសារ៉ែត
តើលោកយេស៊ូមានប្អូនប្រុសស្រីប៉ុន្មាននាក់?
