ISTÓRIA 72
Bainhira Jesus tinan 12
José no Maria hela iha Nazaré hamutuk ho Jesus no sira-nia oan-mane no oan-feto seluk. José serbisu nuʼudar badaen-ai atu tau matan ba ninia família, no nia hanorin sira kona-ba Jeová no Jeová nia Ukun-Fuan. Sira bá beibeik sinagoga atu adora Maromak, no tinan-tinan sira bá Jeruzalein atu tuir Festa Páskua.
Bainhira Jesus tinan 12, nia ho ninia família halo viajen ba Jeruzalein tuir sira-nia toman. Sidade neʼe rame tebes tanba ema barak mak bá atu selebra Festa Páskua. Depois festa neʼe, José no Maria halo viajen atu fila ba Nazaré, no sira hanoin katak Jesus mós hamutuk ho sira. Maibé kuandu sira buka nia, sira la hetan.
Sira fila fali ba Jeruzalein no buka Jesus durante loron tolu. Ikusmai, sira bá templu. Sira haree katak Jesus tuur hamutuk ho mestre sira hodi rona didiʼak no husu pergunta oioin. Mestre sira-neʼe hakfodak tebes ho Jesus nia matenek, no sira komesa husu pergunta ba nia. Bainhira sira rona Jesus nia resposta, sira admira tanba Jesus komprende didiʼak Jeová nia Ukun-Fuan.
José no Maria hanoin barak tebes. Maria dehan: ‘Oan, ami buka ó iha fatin hotu. Ó bá deʼit neʼebé?’ Jesus hatán: ‘Apá no amá la hatene ka? Haʼu iha haʼu-nia Aman nia uma.’
Tuirmai sira fila fali ba Nazaré. José hanorin Jesus kona-ba oinsá atu halo serbisu nuʼudar badaen-ai. Tuir ó-nia hanoin, Jesus mak labarik hanesan saida? Nuʼudar Jesus sai boot, nia sai matenek liután no halo kontente Maromak no ema.
“Oh haʼu-nia Maromak, haʼu gosta tebes atu halo tuir Ita-nia hakarak, no Ita-nia ukun-fuan iha haʼu-nia fuan-laran.”—Salmo 40:8
Karik Ita sei gosta
HANORIN ITA-NIA OAN
Jesus sempre halo tuir
Dala ruma la fasil atu halo tuir ó-nia inan-aman. Mai ita haree oinsá Jesus nia ezemplu bele ajuda ó.
BANATI-TUIR SIRA-NIA FIAR
Nia tau matan ba ninia família no tahan toʼo rohan—José
José proteje ninia família iha dalan saida deʼit? Tanbasá mak nia lori Maria no mós Jesus ba Ejitu?
