74 KAQ YACHACHIKUY
Diospa akllasqan runa Jesus kasqanmanta
Juanmi kaynata willakurqa: “Ñuqamanta aswan atiyniyuqqa ñam chayaramunqaña”, nispa. Yaqa 30 watanpim Jesusqa Jordan mayuman rirqa Juanwan bautizachikuq, chaypim Juanqa runakunata bautizachkasqa. Hinaptinmi Jesuspas nirqa: “Ñuqatapas bautizaway”, nispa. Ichaqa Juanmi nirqa: “Ñuqaqa manam bautizaykimanchu aswanqa qamyá bautizaykuway”, nispa. Jesusñataqmi nirqa: “Diosmi qam bautizawanaykita munan”, nispa. Chaynata niptinmi Juanqa Jordan mayupi yaku ukuman challpuruspa bautizarqa.
Bautizakuruspallanmi Jesusqa taytanta mañakurqa, hinaptinmi hanaq pacha kicharikuykuptin Diospa chuya espiritun paloma hina Jesusman uraykamurqa. Hinaspapas hanaq pachamantam Dios nimurqa: “Qanmi kuyasqay churiy kanki, qamtam chaskikipas”, nispa.
Chaymantapacham Jesusqa Diospa chuya espiritunta chaskiruspan Diospa akllasqan runa utaq Cristo rikurirurqa. Hinaspam kay pachapi Diospa munayninta ruwayta qallaykurqa.
Bautizakusqan qipallamantaqmi Jesusqa 40 punchaw chunniqpi karqa, kutiramuspanñataqmi Juanman rirqa. Hinaptinmi runakunata Juan nirqa: “Waqaya llapa runakunapa huchanta pampachaq Diospa malta carneronqa”, nispa. Chaynataqa nirqa Jesus akllasqa runa kasqanta yachanankupaqmi.
“Hinaptinmi hanaq pachamanta nimurqa: ‘Qanmi churiy kanki, qamtam kuyayki hinaspam chaskikipas, nispa’” (Marcos 1:11).
Kaykunatapas leeykuy
JESUSQA ÑANMI, CHIQAPMI, KAWSAY QUKUQMI
Jesuspa bautizakusqan
¿Imanasqataq Jesusqa bautizakurqa mana huchayuq runa kachkaspanpas?
BIBLIAMANTA TAPUKUYKUNA
¿Ima nintaq bibliaqa bautizakuymanta?
Bibliapim willawanchik achka bautizakuqkunamanta. Chayraykum yachanchik bautizakuy ima ninan kasqanta hinaspa imanasqa ancha allin kasqanta.
