Jesus baptize ábiʼdiilyaa bikʼijįʼ níłchʼi diyinii honoojíígóó binílóóz. Tʼáadoo ajiyání dízdiin hwiiską́, áko yéigo dichin jizlı̨́ı̨́ʼ. Devil éí Jesus nayínítaahgo ííłní: ‘Diyin God biYeʼ nílı̨́įgo, díí tsé bááh dadooleełgo bá hanidziih.ʼ Jesus éí Diyin Bizaad biiʼdę́ę́ʼ scripture yee hachʼįʼ haadzíiʼgo áháłní: ‘Doo chʼiyáán tʼéiyá bee iináa da. Ndi tʼáá ałtso saad Jiihóvah yee hahadziihígíí yísíníiltsʼą́ąʼ doo.ʼ

Devil ánáádiʼní: ‘Diyin God biYeʼ nílı̨́įgo, díí temple bikááʼdę́ę́ʼ niʼjįʼ dah diilyeed. Diyingo ndaalʼaʼí doo atídíínííłgóó naa ádahalyą́ą doo haʼníigo bee akʼeʼashchı̨́.ʼ Jesus áháłní: ‘Diyin Bizaad bee akʼeʼashchínígíí ání, Jiihóvah tʼááká nabínóótaah lágo.’

Nááʼákóneʼ Séítan éí nahatʼaʼ bił nahazʼáanii índa yee ayóó ádaatʼéii Jesus yichʼįʼ yitʼíní áyiilaago ání: ‘Shichʼįʼ nitsidinígoʼgo, díí tʼáá átʼé naa dideeshʼááł.ʼ Ndi Jesus áhodííniid: ‘Séítan, yówehdi naniná! Kótʼéego bikʼeʼashchı̨́: Jiihóvah tʼéiyá dinísin doo.ʼ

Áko Devil hatsʼá níyá. Jesus éí diyingo ndaalʼaʼí chʼiyáán baa deizhjaaʼgo ííyą́ą́ʼ. Jesus éí God biNahatʼaʼ baa hojilneʼ doo biniyé nahasdzáán bikáaʼjįʼ hoʼdoolʼaad. Jesus yee naʼnitinígíí diné ayóó bił danilı̨́, áko tázhdíghááhgóó hakééʼ ndaakai.