ITYOUGH 75
Diabolo Mee Yesu
Yange mba eren Yesu batisema kera yô, icighan jijingi yem a na ken taaikyôngo. A za tsa ijen ker kuma ayange 40, nahan ijen kôr un kpishi. Tsô Diabolo gba va meen un kaan ér: ‘Wea lu Wan u Aôndo mimi yô, kaa awen ne a hingir ikpenbredi.’ Kpa Yesu na mlumun sha mkaanem ma i nger ken Ruamabera yô, a kaa ér: ‘I nger ér u fatyô u lun uma sha kwaghyan tseegh ga. Saa ú eren hanma kwagh u Yehova a kaa cii, ve u lu uma ye.’
Tsô Satan shi va Yesu a imeen igen, a kaa ér: ‘Wea lu Wan u Aôndo mimi yô, tsuwe ase hen ijiir i i hemban taven sha tempel ne, gba shin inya. I nger ér Aôndo una tindi mbatyomov nav vea va kôr u u gba ga.’ Kwa ne kpa Yesu ôr un kwagh u i nger ken Ruamabera yô, wener: ‘I nger ér we u de karen Yehova ga.’
Tsô Satan shi tese Yesu ityar i sha tar cii kua iengem i i man inyaregh ki ityar i lu a mi cii, maa a kaa a na ér: ‘Aluer u civir mo kwa môm tseegh kpa, me na u ityar ne kua iengem i ityar shon cii.’ Kpa Yesu kaa a na ér: ‘Yem kera Satan! I nger ér civir Yehova tseegh.’
Tsô Diabolo yem kera, maa mbatyomov va na Yesu kwaghyan, a ya. Shighe la je, Yesu hii u pasen loho u dedoo u Tartor. Lu tom u i tindi un shin tar ér a va er je la. Kwagh u Yesu lu tesen la doo ior, nahan hanma ijiir i Yesu una zaan cii yô, ior ve dondo un ijime.
“[Diabolo] ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.”—Yohane 8:44
Kwagh Ugen u Alaghga Shi Una Doo U Yô
HEN KWAGH SHA IKYEV I ORTESEN UHEMBAN LA
Gba u Se Hendan a Ameen
Aluer or kaa a we ér u er kwagh u bo nahan u er nena?
Sha ci u Agumaior
Er U Hemba Imeen Yô
Shighe u yange imeen va hen yosev u eren isholibo la, ka nyi yange i wase un u eren kwagh u shami?
