Jesu naakazwaa kubbabbatizigwa, muuya uusalala wakamutola kunkanda. Taakwe nchaakalya pe kwamazuba aali 40, nkinkaako wakaba anzala. Dyabbulosi wakasika kuti azoosunke Jesu alimwi wakati: ‘Ikuti kuli Mwana waLeza, buzya mabwe aaya abe chinkwa.’ Pesi Jesu wakasandula kabelesya majwi ajanika muMagwalo kati: ‘Kulilembedwe kuti muntu teelede kupona achinkwa luzutu. Pesi weelede kuswiilila majwi azwa kuli Jehova.’

Kuzwa waawo, Dyabbulosi wakamusunka lubo Jesu kati: ‘Ikuti kuli Mwana waLeza, liwaalile aansi kuzwa ajulu atempele. Nkaambo kulilembedwe kuti Leza uyootuma bangelo kuti bakujate.’ Pesi Jesu wakasandula kabelesya Magwalo. Wakati: ‘Kulilembedwe kuti utasunki Jehova.’

Mpawo Saatani wakatondeezya Jesu bwaami boonse bwanyika abulemu bwabo akumubuzya kuti: ‘Ndilakonzya kukupa bwaami boonse oobu abulemu kuti wandikomba kamwi luzutu.’ Pesi Jesu wakati: ‘Kozwa aawa Saatani! Nkaambo kulilembedwe kuti weelede kukomba Jehova alikke.’

Dyabbulosi wakayinka, mpawo bangelo bakasika akupa Jesu chakulya. Kuzwa waawo, Jesu wakasaanguna kukambawuka makani mabotu aaBwaami. Wakatumidwe kuzoochita mulimu ooyu aanyika. Bantu bakali kuzibotelelwa nzyaakali kubayiisya Jesu alimwi bakali kumutobela koonse nkwaya.