Después ni goyonis Jesús, espíritu santo golonés láabu par goyeebu ló yoovich. Diti godóbu xitcal ló 40 dzú ni goclabu cú, por ngú nigolú golaʼnbu. Ór cú bidxin Buñdzab par nagoʼ láabu ló prueby. Gochbu Jesús: «Pal nigolú naclo Xiin Dios, góoch guirá guiee reʼ gacni páa». Per Jesús cuapy láabu mod sieed ló Santas Escrituras: «Ma caani que buñ diti nosi por galrro labúu rabany. Láaca raquiin guicadiagyibu ni ná Jehová».

Buñdzab bituidy láabu ló prueby stoib, goniʼbu: «Pal nigolú naclo Xiin Dios, biaʼpy guic templo né bisandop layoo. Portín ma caani que Dios saxel ángel xtuny par guilaabu looy». Per Jesús cuapy láabu stoib mod sieed ló Santas Escrituras: «Ma caani diti non coʼlo Jehová Dios xtunylo ló prueby».

Buñdzab goloʼ láabu ló prueby ni rion buelt, bislooy Buñdzab láabu guirá gobierno, cós ni rasac né guirá ni radziguiaʼ buñ ló gudxliogoxreʼ né goniʼbu: «Sadudi guirá gobiernos reʼ looy pal raxixiplo nislóya toibsi buelt». Per Jesús cuapy láabu: «¡Bireʼ ronoʼya Buñdzab! Ma caani que nosi Jehová non guieen buñ».

Ór cú bireʼgan Buñdzab né see, né bieed tipnés ángeles né biduidyibu ni godó Jesús. Después Jesús gosaló goniʼ diitz sacró de Gobierno xtuny Dios. Dxiincu bixel Jehová láabu gonybu ló Gudxlio reʼ. Buñ bioladx guirá ni Jesús bisuidy layibu por ngú cuanalyibu Jesús guirá lad ro goyee.