In die lente van die jaar 30 HJ het Jesus na Jerusalem toe gegaan. Baie mense het na die stad toe gekom om die Pasga te vier. As deel van die viering het hulle diere by die tempel geoffer. Party mense het diere saamgebring, maar ander mense het diere in Jerusalem gekoop.

Toe Jesus na die tempel toe gaan, het hy gesien dat mense besig is om diere daar te verkoop. Hulle was besig om geld te maak daar in Jehovah se huis van aanbidding! Wat het Jesus gedoen? Hy het ’n sweep van toue gemaak en die skape en die beeste uit die tempel uitgejaag. Hy het die tafels omgegooi van die mense wat geld geruil het, en hulle geld het op die grond geval. Toe sê Jesus vir die  mense wat duiwe verkoop het: ‘Vat hierdie goed hier weg! Moenie my Vader se huis ’n plek maak waar besigheid gedoen word nie!’

Mense by die tempel was verbaas oor wat Jesus gedoen het. Sy dissipels het die profesie oor die Messias onthou: ‘Ek sal vol ywer wees vir die huis van Jehovah.’

Later, in die jaar 33 HJ, het Jesus die tempel weer skoongemaak. Hy het niemand daar toegelaat wat nie respek vir sy Vader se huis getoon het nie.