YIGIL 76
Yésu a mpubus témpel
I bibôdle bi bibabaya (hala wee bibôdle bi sép, ngéda hiañgaa hi kahal bai ni ngui) i nwii 30 N.Y., Yésu a ke i Yérusalem. Ngandak bôt i bi lo inyu tégbaha ngand Pasa. Kiki lem yap, ba bé ti bilém kiki bisesema i témpel. Ngim bôt i bi lona bilém gwap, ndi bahogi ba bé sômbôl gwap i Yérusalem.
Ngéda Yésu a bi pam i témpel, a tehe bôt ba yé nuñul bilém. Ba bé boñ nyuñga inyu kwo mingwañ, ikété ndap bibégés i Yéhôva yaga! Kii Yésu a bi boñ? A bi yoñ minkôô, a bak hisôô, a pémés mintômba ni nyaga i i bé ikété témpel. A kwés bitéblé bi bahéñha moni isi, yak ni moni nwap. Yésu a añle bôt ba bé nuñul dibeñ le: ‘Hénana gwom bini hana! Ni yilha bañ ndap Tata, homa nyuñga!’
I yom Yésu a bi boñ i bi hélés bôt ba bé i témpel. Hala a hôñlaha banigil ini mbañ i bé pôdôl Mésia le: ‘M’a ba nyonok ni makénd inyu ndap Yéhôva.’
Yésu a bi témb a pubus témpel, i nwii 33 N.Y., inyu ngélé yôhne iba. A bi neebe bé kel to yada le mut a yan ndap Isañ.
“Ni ta bé le ni gwéélak Nyambe, ni gwéélak ki nkus.”—Lukas 16:13
Yak ini i nla lémél we
YÉSU: NJEL, MALIGA, NI NIÑ
Yésu a ñunda makénd inyu bibégés bipubi
Mbén Djob i bé ti bôt kunde i somb binuga i Yérusalem inyu ti bisesema, ndi inyuki Yésu a bi unbene bôt ba nyuñga i témpel?
YILA LIWANDA LI YÉHÔVA
Diihe ndap i Yéhôva
Lelaa u nla unda lipém li li kôli ni ndap bibégés i Yéhôva?
