ISAMBILILO 76
Yesu Awamya Itempele
Yesu aile ku Yerusalemu nalimo mu mweshi wa April mu mwaka wa 30. Abantu abengi balile ku musumba wa Yerusalemu ku kusefya Ica Kucilila. Pa kusefya Ica Kucilila baletuula ne nama pe tempele. Bamo baleya ne nama shabo, lelo bamo baleshita inama mu Yerusalemu mwine.
Ilyo Yesu aile mwi tempele, asangile abantu baleshitisha inama. Balepanga indalama mu ng’anda ya kupepelamo Yehova! Bushe Yesu acitile shani? Apangile ica kufopwelako ica ntambo e lyo afumya impaanga ne ng’ombe isho baleshitisha mwi tempele. Awishishe amatebulo ya balekabusha indalama kabili amakoini yalipasangene. Yesu aebele abaleshitisha inkunda ati: ‘Fumyeni ifi muno! Mwilapanga ing’anda ya kupepelamo Tata ukuba iya kushitishishamo ifintu!’
Abantu abali pe tempele balipapile ifyo Yesu acitile. Abasambi bakwe baibukishe ifyo bakasesema balembele pali Mesia ati: ‘Nalitemwisha ing’anda ya kwa Yehova.’
Mu mwaka wa 33, Yesu aliwemye itempele na kabili. Talefwaya abantu ukulacita ifyo bashalingile ukucita pa ng’anda ya kwa Wishi.
“Te kuti mubombele Lesa ne Fyuma.” —Luka 16:13
Nalimo Kuti Mwatemwako ne fi
YESU E NSHILA, ICINE NO MWEO
Yesu Alanga Ukuti Alitemwisha Ukupepa kwa Cine
Apo Amafunde ya kwa Lesa yalisuminishe abantu ukushita inama sha kutuula mu Yerusalemu, mulandu nshi Yesu afulilwe ilyo asangile aba makwebo mwi tempele?
BENI CIBUSA WA KWA YEHOVA
Ulecindika Ing’anda ya kwa Yehova
Finshi ufwile ukucita pa kulanga ukuti ulacindika ing’anda ya kupepelapo Yehova?
IFIKOPE
Yesu Atamfya Abaleshitisha mwi Tempele
Belengeni ilyashi lya mu Baibolo no kusanga ifintu 4 ifilubene pali ici icikope.
