Mbu 30 ya É.J., Yésus a nga ke Jérusalem éyoñe ya éngôn (printemps). Abui bôt e mbe valé asu Pâque. Môse Pâque, be mbe be yiane fe ve metuna’a. Bôte béziñ be nga soo betite bap, ve bevo’o be nga kuse betite Jérusalem.

Éyoñ Yésus a nga suane temple, a nga koone bôte be kuane betit. Be mbe be bo’o makit e nda Yéhôva ébien! Yésus a nga bo aya? A nga kôme nkasa a minkol, éyoñ éte a nga taté na a titane mintômba a binyaka. A nga sô’ôlô betebele be bôte be mbe be tyendé’é moné, a wua moné wobe tyia. Ane a nga jô bôte  be mbe be kuane bezume na: ‘Vaané ma biôme bite va! Nda ésa wom é nji bo nda makit!’

Bôte be mbe temple ve zu kam. Ane beyé’é bé be nga simesane nkulan ajô wu, a lat a Messie: ‘Ma ye bo ayôñ asu mam ma fombô nda Yéhôva.’

Yésus a nga fubu temple éyoñ baa mbu 33 ya É.J. A nji be ngule ya jô’é na môt éziñ a biasé nda Ésa wé.