NUSƆSRƆ̃ 76
Yesu Kɔ Gbedoxɔa Ŋu
Le ƒe 30 K.Ŋ. ƒe adame la, Yesu yi Yerusalem. Ame gbogbo aɖewo va dua me be yewoava ɖu Ŋutitotoŋkekenyuia. Le azãa ɖuɣi la, wotsɔa lãwo saa vɔe le gbedoxɔa me. Ame aɖewo ŋutɔ tsɔa lãwo ɖe asi vanɛ, gake ame bubuwo va ƒlenɛ le Yerusalem.
Esi Yesu yi gbedoxɔa me la, ekpɔ be amewo nɔ lãwo dzram le afi ma. Wonɔ nu dzram tsɔ nɔ ga wɔm le Yehowa ƒe aƒe si nye tadeaguƒea me! Nu kae Yesu wɔ? Etsɔ ka gbi atam eye wònya alẽawo kple nyiawo do goe le gbedoxɔa me. Etrɔ gaɖɔlilawo ƒe gakuwo kɔ ɖe anyi, eye wòmu woƒe kplɔ̃wo ƒu anyi. Yesu gblɔ na ame siwo nɔ ahɔnɛawo dzram la be: ‘Mitsɔ nu siawo dzoe le afi sia! Migatsɔ Fofonye ƒe aƒe me wɔ nudzraƒee o!’
Nu si Yesu wɔ la wɔ nuku na ame siwo nɔ gbedoxɔa me. Eƒe nusrɔ̃lawo ɖo ŋku nya si wogblɔ ɖi tso Mesia la ŋu be: ‘Maʋã ŋu le Yehowa ƒe aƒea ŋu’ la dzi.
Emegbe le ƒe 33 K.Ŋ. la, Yesu gakɔ gbedoxɔa ŋu zi evelia. Maɖe mɔ ame aɖeke nawɔ nu si made bubu Fofoa ƒe aƒe la ŋu o.
“Miate ŋu anye Mawu kple Kesinɔnuwo siaa ƒe kluviwo o.”—Luka 16:13
Ɖewohĩ Esia Hã Adzɔ Dzi Na Wò
YESU—MƆ LA, NYATEƑE LA KPLE AGBE LA
Dzo Nɔ Yesu Me Ðe Tadedeagu Vavãtɔ Ŋu
Mawu ƒe Sea ɖe mɔ be amewo naƒle lãwo le Yerusalem hena vɔsasa. Ke nu ka tae dɔme ve Yesu ɖe gbedoxɔa me asitsalawo ŋu?
NYE YEHOWA XƆLƆ̃
De Bubu Yehowa Ƒe Aƒe La Ŋu
Aleke nàte ŋu aɖee afia be yedea bubu Yehowa ƒe aƒe ŋu?
