NǓKPLƆNKPLƆN 76
Jezu Nya Nǔsatɔ́ lɛ Sín Tɛmpli ɔ Mɛ
Ðò bǐbɛ̌mɛ xwè 30 H.M. tɔn ɔ, Jezu yì Jeluzalɛmu. Mɛ gègě wá toxo ɔ mɛ bo na ɖu Dindinwayixwe ɔ. È nɔ lɛ́ sɔ́ kanlin dó savɔ̌ lɛ ɖò tɛmpli ɔ mɛ xwè ɔ hwenu. Mɛɖé lɛ nɔ hɛn kanlin yetɔn lɛ wá, amɔ̌, mɛɖé lɛ nɔ xɔ ɖò Jeluzalɛmu.
Ee Jezu yì tɛmpli ɔ mɛ é ɔ, é mɔ bɔ mɛ lɛ ɖò kanlin lɛ sà wɛ ɖò finɛ. Ye ɖò ajɔ̌ wà wɛ ɖò xɔ Jehovah tɔn e mɛ è nɔ sɛ̀n ɛ ɖè é! Nɛ̌ Jezu ka wà nǔ gbɔn? É sɔ́ kàn dó bló bǎ bo nya lɛngbɔ̌ lɛ kpo nyibu lɛ kpo sín tɛmpli ɔ mɛ. É flí tavo akwɛɖyɔtɔ́ lɛ tɔn lɛ, bo fúnfún akwɛ yetɔn lɛ gbɔn kɔ́mɛ kɔ́mɛ. Jezu ɖɔ nú mɛ ɖěɖee ɖò ahwannɛ́ sà wɛ lɛ é ɖɔ: ‘Mi bɛ́ nǔ elɔ lɛ sín fí! Mi ma sɔ́ Tɔ́ ce sín xwé dó ɖó ajɔxwé na ó!’
Nǔ e Jezu wà é kpaca mɛ ɖěɖee ɖò tɛmpli ɔ mɛ lɛ é. Ahwanvu tɔn lɛ flín nǔ elɔ e è ko ɖɔ ɖ’ayǐ dó Mɛsiya ɔ wu é: ‘Wanyiyi e un ɖó nú xwé Jehovah tɔn é nɔ sɔ́ akpàkpà mì.’
Nukɔnmɛ ɖò xwè 33 H.M. tɔn ɔ, Jezu lɛ́ nya nǔsatɔ́ lɛ sín tɛmpli ɔ mɛ azɔn wegɔ ɔ. É na tin bonu mɛɖebǔ na ɖè sísí ma ɖó xlɛ́ xwé Tɔ́ tɔn tɔn ǎ.
“Mi sixu sɛ̀n Mawu, bo lɛ́ sɛ̀n dɔkun ǎ.”—Luki 16:13
Xóta élɔ́ lɛ́ lɔ sixú jɛjí nú we
JEZU: ALIƆ, NUGBǑ Ɔ, GBƐ̀ Ɔ
Jezu Xlɛ́ Ðɔ Emi Yí Wǎn nú Sinsɛn Nugbǒ Ɔ
Sɛ́n Mawu Tɔn na gbè mɛ lɛ ɖɔ ye ni xɔ kanlin lɛ ɖò Jeluzalɛmu bo na dó savɔ̌ na, bɔ nɛ̌ ka gbɔn bɔ Jezu sìn xomɛ dó nǔsatɔ́ lɛ ɖò tɛmpli ɔ mɛ?
HǓZÚ XƆ́NTƆN JEXÓVA TƆN
Nùkplɔnkplɔn 18: Ðǒ Sísí nú Xwé Jehovah Tɔn
Nɛ̌ a ka sixu ɖó sísí e jɛxa é nú xwé e gbè è nɔ sɛ̀n Jehovah ɖè é gbɔn?
