NIKASEMƆ 76
Yesu Tsuu Sɔlemɔ Shĩa Lɛ He
Yɛ aaafee April mli yɛ afi 30 Ŋ.B. lɛ, Yesu tee Yerusalem. No mli lɛ, mɛi pii eba Yerusalem kɛhã Hehoo lɛ. Kɛ́ aaye Hehoo lɛ, ashãa afɔlei yɛ sɔlemɔ shĩa lɛ. Mɛi komɛi kɛ kooloi ni amɛkɛbaashã afɔle lɛ jɛɔ shĩa kɛbaa, shi mɛi komɛi hu baheɔ yɛ Yerusalem.
Be ni Yesu tee sɔlemɔ shĩa lɛ, ena ni mɛi miihɔ̃ɔ kooloi yɛ jɛmɛ. Amɛmiiye jara yɛ Yehowa shĩa lɛ, ni ji he ni ajáa lɛ yɛ lɛ! Mɛni Yesu fee yɛ sane nɛɛ he? Efee kpãi ni akɛgwaoɔ mɔ ni ekɛshwie gwantɛŋi kɛ tsinai lɛ ni mɛi lɛ hɔ̃ɔ lɛ kɛje sɔlemɔ shĩa lɛ. Etsɔ shika tsakelɔi lɛ ashika lɛ eshwie shi ni etsirɛ amɛkpɔlɔi lɛ etswiatswiaa shi. Yesu kɛɛ mɛi ni hɔ̃ɔ okpoi lɛ akɛ: ‘Nyɛjiea nibii nɛɛ kɛjea biɛ! Nyɛkɛ mi-Tsɛ shĩa lɛ akafea jarayeli he!’
Mɛi ni yɔɔ sɔlemɔ shĩa lɛ anaa kpɛ amɛhe waa yɛ nɔ ni Yesu fee lɛ hewɔ. Ekaselɔi lɛ kai akɛ, gbalɛ ko yɛ ni kɔɔ Mesia lɛ he ni kɛɔ akɛ: ‘Mihiɛ baadɔ Yehowa shĩa lɛ he waa.’
Yesu tsuu sɔlemɔ shĩa lɛ he shi kome ekoŋŋ yɛ afi 33 Ŋ.B. Ehãaa mɔ ko mɔ ko abule e-Tsɛ shĩa lɛ.
“Nyɛnyɛŋ nyɛtsɔmɔ nyɔji nyɛhã Nyɔŋmɔ kɛ Ninámɔ fɛɛ.”—Luka 16:13
Ekolɛ Obaasumɔ Enɛ Hu
YESU—GBƐ LƐ, ANƆKWALE LƐ, WALA LƐ
Yesu Tsɔɔ akɛ Ehiɛ Dɔɔ Anɔkwa Jamɔ He
Nyɔŋmɔ Mla lɛ ŋmɛɔ gbɛ ni mɛi ahé kooloi yɛ Yerusalem kɛhã afɔleshaa, no hewɔ lɛ, mɛni hewɔ Yesu mli fu guɔyelɔi lɛ yɛ sɔlemɔwe lɛ?
OKƐ YEHOWA ABƆ NAANYO
Jiemɔ Bulɛ Kpo yɛ Yehowa Shĩa
Mɛni esa akɛ ofee kɛtsɔɔ akɛ ojieɔ bulɛ kpo yɛ Yehowa shia ni ji ejamɔhe lɛ?
