CAPÍTULO 76
Xesús limpa o templo
Na primavera do ano 30, Xesús foi a Xerusalén. A cidade estaba chea de xente que fora alí para celebrar a Pascua. Durante a festa ofrecíanse animais no templo. Algúns levaban os seus da casa e outros comprábanos en Xerusalén.
Cando chegou ó templo, Xesús viu que alí había xente vendendo animais. Estaban facendo cartos na casa de adoración de Xehová! Xesús enfadouse moito. Fixo un látego cunhas cordas e botou fóra do templo todo o gando. Tiroulles coas mesas ós cambiadores de moedas e guindoulles os cartos polo chan. E ós que vendían pombas, díxolles:
“Sacade todo isto de aquí! Non fagades negocios na casa de meu Pai!”.A xente que estaba alí quedou abraiada polo que fixera Xesús. Entón os seus discípulos recordaron unha profecía acerca do Mesías que dicía: “Sentirei moito respecto pola casa de Xehová”.
Uns tres anos despois, Xesús volveu limpar o templo. Estaba decidido a non deixar que ninguén tratase con falta de respecto a casa de seu Pai.
“Non podedes servir a Deus e mailo diñeiro” (Lucas 16:13)