GĨCUNJĨ KĨA 76
Jesu Gũtheria Hekarũ
Kũrĩ kĩndũ mweri wa Ĩpuro, mwaka-inĩ wa 33 thutha wa Kristo (T.K.), Jesu nĩ aathiire Jerusalemu. Andũ aingĩ nĩ maathiĩte kuo nĩguo magakũngũĩre Pasaka. Nĩ maarutire magongona hekarũ-inĩ marĩ gĩcunjĩ kĩa Pasaka. Andũ amwe nĩ maathiĩte na nyamũ cia kũruta magongona, nao angĩ maacigũrire o kũu Jerusalemu.
Rĩrĩa Jesu aathiire hekarũ-inĩ, aakorire andũ makĩenderia nyamũ kuo. Maahũragĩra biacara nyũmba-inĩ ya Jehova! Jesu eekire atĩa? Aathondekire mũcarica na akĩrutũrũra mbũri na ng’ombe iria ciendagĩrio kuo. Aang’aũranirie metha cia arĩa maakũũranagia mbeca, na akĩharagania mbeca ciao. Jesu eerire arĩa meendagia ndutura ũũ: ‘Rutai indo ici gũkũ! Tigai gũtua nyũmba ya Awa nyũmba ya biacara!’
Andũ arĩa maarĩ hekarũ-inĩ nĩ maagegirio nĩ ũrĩa Jesu eekire. Arutwo ake nĩ maaririkanire ũrathi wĩgiĩ Mesia ũrĩa woigĩte ũũ: ‘Nĩ ngakorũo na kĩyo harĩ nyũmba ya Jehova.’
Thutha ũcio, Jesu nĩ aatheririe hekarũ rita rĩa kerĩ mwaka wa 33 T.K. Ndangĩarekire mũndũ o na ũmwe aagĩre nyũmba ya Ithe gĩtĩo.
“Mũtingĩtungatĩra Ngai na mũtungatĩre Ũtonga.”—Luka 16:13
Icunjĩ Ingĩ Hihi Ũngĩenda Gũthoma
JESU—NĨWE NJĨRA, MA, NA MUOYO
Jesu Kuonania Kĩyo Harĩ Ũthathaiya wa Ma
Nĩ kĩĩ gĩatũmire Jesu arakare nĩ ũndũ wa ahũũri biacara arĩa maarĩ hekarũ-inĩ na Watho wa Ngai nĩ wetĩkĩrĩtie andũ kũgũra nyamũ cia kũruta magongona thĩinĩ wa Jerusalemu?
TUĨKA MŨRATA WA JEHOVA
Tĩa Nyũmba ya Jehova
Ũngĩonania gĩtĩo atĩa ũrĩ nyũmba-inĩ ya gũthathaĩria Jehova?
