ETUKULWA 76
Jesus ta koshola otembeli
Pefimbo lokwenye mo 30 O.P., Jesus okwa li a ya kuJerusalem. Ovanhu vahapu ova li ve uya moshilando omolwOpaasa. Ova li va yamba omayambo oinamwenyo kotembeli shi li oshitukulwa shokudana oshivilo. Ovanhu vamwe ova li va etelela oinamwenyo, ashike vamwe ove i landa muJerusalem.
Eshi Jesus a ya kotembeli, okwa li a mona ovanhu tava landifile mo oinamwenyo. Ova li tava likola oimaliwa monhele yaJehova yelongelokalunga. Mbela Jesus okwa li e linyenga ngahelipi? Okwa li a ninga ongola yeengodi ndele ta taataa mo eedi neengobe motembeli. Okwa undulila pedu oitaafula yovalandifi ndele ta tileshi oimaliwa yavo. Jesus okwa lombwela aveshe ovo va li tava landifa eenghuti a ti: ‘Kufe i mo oinima ei omu. Ongulu yaTate hayo mu ninga onhele yeengeshefa!’
Ovanhu motembeli ova li va kuminwa osho Jesus a ninga. Ovahongwa vaye ova li va dimbuluka exunganeko li na sha naMessias olo tali ti: ‘Ohandi ka kala ndi na ouladi wongulu yaJehova.’
Lwanima mo 33 O.P., Jesus okwa li vali a koshola otembeli oshikando oshitivali. Ka li a efa ovanhu va ulike okuhenefimaneko nongulu yaXe.
‘Itamu dulu okukalela Kalunga nemona.’ — Lukas 16:13
Otashi dulika yo u hafele oikundafanwa ei
JESUS OYE ONDJILA, NOSHILI NOMWENYO
Jesus ta ulike ouladi omolwelongelokalunga lashili
Omhango oya li ya pitika ovanhu va lande oinamwenyo muJerusalem opo va dule okuyandja omayambo, ndele omolwashike Jesus a li a handukila ovo va li tava landifile motembeli?
NINGA KAUME KAJEHOVA
Fimaneka eumbo laJehova
Ongahelipi to dulu okuulika kutya owa fimaneka eumbo laJehova omo hatu mu longele?
