មេរៀនទី៧៦
លោកយេស៊ូបណ្ដេញពួកអ្នកលក់ដូរចេញពីវិហារ
នៅរដូវស្លឹកឈើលាស់ ឆ្នាំ៣០ គ.ស. លោកយេស៊ូបានទៅក្រុងយេរូសាឡិម។ នៅពេលនោះ មនុស្សជាច្រើនបានមកក្រុងយេរូសាឡិមដើម្បីធ្វើបុណ្យរំលង។ ជាធម្មតា បណ្ដាជនដែលមកធ្វើបុណ្យនេះតែងជូនសត្វជាគ្រឿងបូជានៅឯវិហារ។ អ្នកខ្លះយកសត្វមកជាមួយ រីឯអ្នកខ្លះទៀត ពួកគេទិញសត្វនៅក្នុងក្រុងយេរូសាឡិម។
ពេលទៅដល់វិហារ លោកយេស៊ូឃើញមនុស្សលក់សត្វនៅទីនោះ គឺពួកគេកំពុងជួញដូរនៅក្នុងកន្លែងគោរពប្រណិប័តន៍ព្រះយេហូវ៉ាតែម្ដង! តើលោកយេស៊ូមានប្រតិកម្មយ៉ាងណា? លោកបានយកខ្សែពួរមកវាយបណ្ដេញសត្វព្រាប សត្វចៀម និងសត្វគោចេញពីវិហារ។ លោកផ្កាប់តុរបស់ពួកអ្នកដូរប្រាក់ ហើយចាក់កាក់របស់ពួកគេទៅលើដី។ លោកយេស៊ូប្រាប់ពួកអ្នកលក់ព្រាបថា៖ «ចូរយករបស់ទាំងនេះចេញទៅ! ឈប់យកកន្លែងគោរពបូជារបស់បិតាខ្ញុំធ្វើជាកន្លែងលក់ដូរ!»។
បណ្ដាជននៅក្នុងវិហារភ្ញាក់ផ្អើលជាខ្លាំង ពេលឃើញអ្វីដែលលោកយេស៊ូបានធ្វើ។ ពួកអ្នកកាន់តាមលោកបាននឹកឃើញទំនាយអំពីមេស្ស៊ី ដែលថា៖ ‹ខ្ញុំពោរពេញទៅដោយចិត្តខ្នះខ្នែងចំពោះវិហាររបស់ព្រះយេហូវ៉ា›។
ក្រោយមកនៅឆ្នាំ៣៣ គ.ស. លោកយេស៊ូបានបណ្ដេញពួកអ្នកលក់ដូរចេញពីវិហារជាលើកទី២។ លោកមិនអនុញ្ញាតឲ្យអ្នកណាប្រមាថមើលងាយវិហាររបស់បិតាលោកឡើយ។
«អ្នករាល់គ្នាមិនអាចជាខ្ញុំបម្រើរបស់ព្រះផង និងទ្រព្យសម្បត្តិផងបានឡើយ»។—លូកា ១៦:១៣
លោកអ្នកក៏ប្រហែលជាចូលចិត្តដែរ
លោកយេស៊ូ ជាផ្លូវ ជាសេចក្ដីពិត ជាជីវិត
លោកយេស៊ូបង្ហាញចិត្តខ្នះខ្នែងចំពោះការគោរពប្រណិប័តន៍ពិត
ច្បាប់របស់ព្រះអនុញ្ញាតឲ្យបណ្ដាជនទិញសត្វក្នុងក្រុងយេរូសាឡិមសម្រាប់ជូនព្រះ ដូច្នេះ ហេតុអ្វីលោកយេស៊ូខឹងនឹងពួកឈ្មួញក្នុងវិហារ?
ចូរធ្វើជាមិត្តសម្លាញ់ព្រះយេហូវ៉ា
ចូរប្រព្រឹត្តសមរម្យនៅសាលប្រជុំរបស់ព្រះយេហូវ៉ា
តើប្អូនអាចបង្ហាញការប្រព្រឹត្តសមរម្យបែបណានៅកន្លែងគោរពប្រណិប័តន៍ព្រះយេហូវ៉ា?
