Umu mwaka uwa 30 C.E., Yesu waile uku Yelusalemu. Antu aingi yaile uku musumba uwa uku kuzevya Ucilo. Pa kuzevya kuu, antu yapeelanga mawila ya nyama pi tempele. Antu yamwi yayanga ni inyama uku Yelusalemu, nomba yamwi yene yakalanga kuuku kwene.

Lino Yesu waile ukwi tempele, wazanyile antu yakukazya inyama. Yakazyanga inyama zizyo umu ng’anda yakupepelamo yakwe Yeova pakuti yakwate impiya. Uzye Yesu wacisile uli? Watozile imyando apanga swepu alino atandika ukucapilako imfwele ni ng’ombe nu kuzifumizya panzi. Wapenwile matebulo ya yantu akauzyanga nu kwitiila impiya  zyao pansi. Yesu waneenyile akazyanga inkunda ati: ‘Fumyini vintu vii muno! Mutasangula ing’anda yakwe Tata ukuya incende umwakukazizya.’

Antu aali api tempele yazungwike pali vino Yesu wacisile. Asambi yakwe iwisye usoowelo uukalanda pali Mesiya uwakuti: ‘Ndaya umucincile pa ng’anda yakwe Yeova.’

Umu 33 C.E. namo, Yesu wasangulwile itempele umuku wakwe ciili. Ataali nu kuleka ali wensi ukusaalula ing’anda yakwe Isi.