CIJIJO 76
Jesu Anocenesa mu Temberi
Mu cipepo co gore ro 30 N.V.Y., Jesu wakaenda ku Jerusarema. Vandhu vazinji vainga vaviya mudhorobha rondhoro ku Phasika. Pa mabuso o Phasika, vandhu vaiita mupiro wo zvinyama mu temberi. Vandhu vamweni vaiviya no zvinyama zvavo, asi vamweni vaita ngo kutenga mu Jerusarema.
Jesu paakaenda ku temberi, iyena wakavona vandhu vecitengesa zvinyama mondhomo. Vainga veciita nyagoso yavo pa nyumba ya Jehovha yo kunamatira! Jesu wakaitenyi? Iyena wakabata bote, wakatanga kugogomera mabvuta no n’ombe mu temberi. Iyena wakaphwanya-phwanya meza jo vandhu vaicinja mare zve wakakhandira mare javo pasi. Jesu wakati kuno vaya vaitengesa njiva: ‘Budisanyi zviro izvi muno! Mucaita nyumba ya Baba wangu yo kutengesera!’
Vandhu vainga mu temberi vakakahamara ngo zvaitwa ndi Jesu. Vajiji vake vakaceukija ciporofita cinobhuya ngo pamusoro pa Mesia caiti: ‘Inini ndicava no rudo wakavanga no nyumba ya Jehovha.’
Mu gore ra 33 N.V.Y., Jesu wakazocenesazve temberi. Iyena aacaidepi ariwese hake areruse nyumba ya Baba wake.
“Imwimwi amukwanisi kubatira Mwari pamwepo no upfumi.”—Luka 16:13
Zvimweni Zvamungadakarira nga Izvi:
JESU—I GWANJA, I COKWADI NO UPENYU
Jesu Anotatija Kuvangisira no Kunamata ko Cokwadi
Mutemo wa Mwari waitendera kuti vandhu kuti vatenge zvinyama mu Jerusarema kuti vazvipirise, waro ngenyi Jesu wakanyangajwa maningi ngo vanyashavo mu themberi?
IVA SHAMWARI YA JEHOVHA
Reremeja Nyumba ya Jehovha
Ungareremejesa kudini nyumba yo kunamatira ya Jehovha?
