ELONGESO 76
Jesus Usukukisa Ondyuo ya Huku
Pondyovo yenima 30 P.K., Jesus aende no ko Jelusalei. Mepunda-umbo ankho muna ovanthu ovanyingi veya ko Pasikwa. Povipito ovio, ovanthu ankho valinga ovilikutila vio vinyama mondyuo ya Huku. Ovanthu vamwe ankho vaetelela ovinyama, mahi vakuavo vevilanda mo Jelusalei.
Etyi Jesus ehika mondyuo ya Huku, amono ovanthu vamwe valandesa ovinyama. Ankho vekahi nokulingila ovitanda mondyuo yokufendela Jeova! Oityi Jesus alinga? Jesus alingi ongola atahemo onongi no nopomba no nongombe mondyuo ya Huku. Akunyuna onomesa mbovalandesi, onombongo mbavo ambutokela pohi. Jesus apopila ovalume vokulandesa onopomba okuti: ‘Polei-po ovipuka vienyi! Ondyuo ya Tate yange ha yokulingila ovitanda!’
Ovanthu ankho veli mondyuo ya Huku avahuvu unene netyi vamona etyi Jesus alinga. Ovalongwa vae avahinangela eulo lipopia konthele ya Mesiya liati: ‘Ame mandyikala nombili nondyuo ya Jeova.’
Konyima, menima lio 33 P.K., Jesus asukukisa ondyuo ya Huku otyikando tyavali. Ankho uhanda ovanthu aveho vakale nonthilo nondyuo ya Tate yae.
“Kupondola okukala omupika wa Huku no wo Malumono.”—Lucas 16:13
Hamwe Noove Uhanda
SESUSI — ONDYILA, OTYILI, OMUENYO
Sesusi Ulekesa Ombili Ena Nefendelo Liotyotyili
Otyitumino tya Huku ankho tyituma ovaenda vatunda kokule okuya okulanda ovinyama pala okulinga ovilikutila, moluotyo, omokonda yatyi Sesusi anumanena novalandesi mondyuo ya Huku?
KALA EPANGA LYA SIOVAA
Kala Nonthilo Nondyuo ya Siovaa
Oñgeni upondola okukala nonthilo nondyuo yefendelo ya Siovaa?
