30 watapa yaqa abril killanpim Jerusalenman Jesus rirqa, achka runakunapas pascua fiestamanmi rirqaku. Wakinkum karumantaraq animalninkuta aparqaku Diospa wasinpi kañanankupaq, wakinkuñataqmi Jerusalenpiña rantiqku.

Jesusqa Diospa wasinman chayaruspanmi tarirurqa runakuna animalkunata chaypi rantikuchkaqta. ¡Jehova Diosta yupaychana wasipiraqmi rantikuchkasqaku! Chaymi Jesusqa waskamanta latigota ruwaykuspan, chay llapa runakunata ovejantinta hinaspa vacantinta Diospa wasinmanta qarqururqa. Qullqi cambiaqkunapa mesankutapas tikraruspam chay qullqinkutapas maqchiparurqa. Paloma  rantikuqkunatapas Jesusqa nirqam: “¡Kaykunata hurquychik! ¡Taytaypa wasinqa manam negocio ruwanapaqchu!”, nispa.

Chaypi kaq runakunañataqmi mana imanakuytapas atispanku qawarqaku, hinaspam qatiqninkuna yuyarirurqakum Diospa akllasqan runaqa Diospa wasinta ancha kuyananmanta.

Kimsa wata pasaruptinpas, kaqmantam Jesusqa taytanpa wasin chuya kananpaq chaypi rantikuqkunata qarqururqa.