Huata 30​pa casi abril quilla cajpimi Jesusca Jerusalenman rirca. Ashtaca gentecunaca Pascua fiestata rurangapami chai llactaman rishca carca. Chaipimi animalcunata huañuchishpa Templo huasipi rupachin carca. Huaquingunaca paicuna charishca animalcunatami apan carca. Cutin shujcunaca Jerusalenbimi animalcunata randin carca.

Jesús chaiman chayashpaca templo huasipi huaquin gentecuna animalcunata jatunajujtami ricurca. Jehovata adorana huasipimi jatushpa, randishpa negociota ruranajurca. ¿Imatata Jesusca rurarca? “Jesusca, huascata azialta rurashpami llamacunata, huagracunata, Diospaj huasi ucumanda tucuillata canllaman calpachirca”. “Shinallata randina jatuna culquicunatapash, mezacunatapash shitashpami saquirca”. “Palomacunata jatujcunatapash Jesusca, cashnami nirca: Caicunataca, Ilujchishpa  apaichi. Ñuca Taitapaj huasitaca, jatushpa tiana huasitaca, na ruranachu canguichi” nishpa.

Templo huasipi cajcunaca, Jesús shina rurajta ricushpaca manllarishpami ricunajurca. Paipa yachajujcuna chaita ricushpaca, shuj profeciatami yarirca, Jehová Diospa huasitaca ninandami respetasha nishcata.

Tiempo yalijpica huata 33​pimi Jesusca cutin Diospa huasi templotaca nalicunamanda limpiarca. Jesusca tucui gentecuna paipa Taitapa huasita respetachunmi munarca.