LESONA 76
Faamamā e Iesu le Malumalu
Atonu i le masina o Aperila i le 30 T.A., na alu atu ai Iesu i Ierusalema. E toʻatele tagata na ō atu i le aai mo le Paseka. O se tasi o mea na faia i le Paseka, o le faaaogā lea o manu e fai ai taulaga i le malumalu. Na ō mai isi tagata ma a latou lava manu e osi ai taulaga, ae o isi na faatau a latou manu i Ierusalema.
Ina ua alu atu Iesu i le malumalu, na ia vaaia ai tagata o loo faatau a latou manu i inā. Sa latou faia nei fefaatauaʻiga e maua ai a latou tupe i totonu o le fale tapuaʻi o Ieova. O le ā le auala na tali atu ai Iesu? Na ia faia se sasa i maea ma tutuli ese mamoe ma povi mai i le malumalu. Na ia sasaa tupe a tagata suitupe ma fuli a latou laulau. Na ia faapea atu i ē e faatau lupe: “Aveese ia nei mea mai i inei! Aua neʻi toe faia le fale o loʻu Tamā ma fale faatauʻoa!”
Na maofa tagata sa iai i le malumalu i le gaoioiga sa faia e Iesu. Na manatua ai e ona soo le valoaga e faatatau i le Mesia: ʻUa tumu aʻu i le maelega i le fale o Ieova.’
Mulimuli ane i le 33 T.A., na toe faamamā ai e Iesu le malumalu. E na te leʻi faatagaina so o se tasi e faaalia le lē faaaloalo mo le fale o lona Tamā.
“E lē mafai ona e pologa i le Atua atoa ma ʻOa.”—Luka 16:13
E te Ono Fiafia Foʻi
IESU—LE ALA, LE UPU MONI MA LE OLA
Ua Faaalia e Iesu le Maelega mo le Tapuaʻiga Moni
Na faatagaina e le Tulafono a le Atua tagata ina ia faatauina manu i Ierusalema e fai ai a latou taulaga. Aiseā la na matuā toʻatamaʻi ai Iesu i le ʻaufaatauʻoa i le malumalu?
AVEA OE MA UŌ A IEOVA
Faaalia le Faaaloalo mo le Fale o Ieova
E faapefea ona e faaalia le faaaloalo tatau i maota mo tapuaʻiga iā Ieova?
