MËSIMI 76
Jezui pastroi tempullin
Në pranverën e vitit 30 të e.s., Jezui shkoi në Jerusalem. Në qytet kishin ardhur shumë njerëz për të festuar Pashkën. Pjesë të festimit ishin edhe flijimet e kafshëve në tempull. Disa i sillnin vetë kafshët, por të tjerë i blinin në Jerusalem.
Kur Jezui vajti në tempull, pa që aty ca njerëz shitnin kafshë. Ata po fitonin pará tamam në shtëpinë e adhurimit të Jehovait! Si reagoi Jezui? Bëri një kamxhik me litarë dhe dëboi nga tempulli delet e gjedhët. Përmbysi tryezat e këmbyesve të parave dhe ua derdhi monedhat përtokë. Jezui u tha atyre që shitnin pëllumba: «Hiqini që këtej këto gjëra! Mos e bëni pazar shtëpinë e Atit tim!»
Njerëzit në tempull u mahnitën me atë që bëri Jezui. Dishepujve iu kujtua profecia për Mesinë: «Do të kem dashuri të zjarrtë për shtëpinë e Jehovait.»
Më pas, në vitin 33 të e.s., Jezui pastroi tempullin për herë të dytë. Nuk do të linte askënd të tregonte mungesë respekti për shtëpinë e Atit të tij.
«Ju s’mund të jeni skllevër edhe të Perëndisë, edhe të Pasurisë.»—Luka 16:13
Mund të të pëlqejë edhe . . .
JEZUI: UDHA, E VËRTETA DHE JETA
Jezui tregon zell për adhurimin e vërtetë
Pse indinjohet Jezui me tregtarët në tempullin e Jerusalemit, përderisa Ligji i Perëndisë i lejon njerëzit të blejnë kafshë për flijime?
BËHU MIK I JEHOVAIT
Të respektojmë shtëpinë e Jehovait
Si mund të tregosh respektin e duhur për shtëpinë ku adhurohet Jehovai?
VIZATO DHE MËSO
Jezui pastron tempullin
Lexo tregimin biblik dhe gjej katër gjëra që s’shkojnë në këtë figurë.
